سپینه ماڼۍ تهران ته: ټرمپ له ډیپلوماسۍ هاخوا نورې لارې هم لري
د سپینې ماڼۍ ویاندې کارولین لېویټ ویلي، چې د ایران له اسلامي جمهوریت سره خبرې اترې لا هم روانې دي، خو د امریکا ولسمشر ډونالډ ټرمپ داسې انتخابونه هم لري چې یوازې په ډیپلوماسۍ پورې نه محدودېږي.
هغې زیاته کړه، چې د خبرو اترو اساسي تمرکز پر ډیپلوماسۍ دی خو د امریکا د ولسمشر څرګنده او روښانه غوښتنه دا ده، چې د ایران اټومي وړتیا باید په بشپړه توګه صفر ته ورسېږي.
