د پخواني افغان ولسمشر محمد اشرف غني ورور حشمت غني افغانستان انټرنشنل - پښتو ته وویل، چې دده د ورور (محمد اشرف غني) د ناروغۍ په اړه خپاره شوي راپورونه ناسم دي. هغه زیاتوي، له دې وړاندې د نوموړي په حواله داسې راپورونه خپاره شوي وو، چې ګواکې د پخواني ولسمشر روغتیايي وضعیت خراب دی.
د پخواني ولسمشر محمد اشرف غني ورور حشمت غني نن جمعه، د سلواغۍ پر ۱۷مه په اېکس کې ولیکل، چې د نوموړي په حواله داسې راپورونه خپاره شوي دي، چې ګواکې پخوانی ولسمشر محمد اشرف غني ناروغ دی.
هغه په اېکس کې لیکلي:«دا ریښتیا نه ده، په بشپړه توګه جعلي ده، هغه روغ دی، هیڅ طبي ستونزه یا اېدیښنه نه لري.»
حشمت غني افغانستان انټرنشنل - پښتو ته وویل، چې په ټولنیزو رسنیو کې د هغه او د ورور محمد اشرف غني انځور د خپرولو سره لیکلي و، چې نوموړی ویلي، چې اشرف غني ناروغ دی.
د ۲۰۲۱ کال د اګسټ پر ۱۵ کابل ته د طالبانو د ننوتلو درشل کې پخوانی ولسمشر اول تاجکستان ته او بیا له هغه ځای متحده عربي اماراتو ته لاړ او له هغه راهیسې هلته استوګن دی.
