عراقچي له وېټکاف سره تر لیدنې مخکې: د تېرکال پېښو له هېرولو پرته خبرې اترې پیلوو
په مسقط کې د امریکا سره د خبرو اترو له پیل څخه شاوخوا یو ساعت مخکې د ایران د بهرنیو چارو وزیر عباس عراقچي ویلي، چې تهران به د تېر کال پېښو له هېرولو پرته مذاکراتو ته کېني.
عراقچي پر اېکس پاڼه لیکلي: «ایران د ډیپلوماسۍ ډګر ته په خلاصو سترګو او د تېر کال د پېښو له روښانه حافظې سره ننوځي؛ خو له خپلو حقونو په کلکه دفاع کوو». هغه زیاته کړې، چې برابر دریځ، متقابل احترام او ګډې ګټې تش شعارونه نه؛ بلکې د یو دوامداره تړون بنسټیز او نهجلا کېدونکي اصول دي.
