سراج‌الحق: د پاکستان حکومت د ترهګرۍ پر ضد یوازې نمایشي کړنې کوي

په اسلام‌اباد کې د شیعه‌ګانو پر جومات د ځانمرګي برید په غبرګون د سعودي عربستان د بهرنیو چارو وزارت په اسلام‌اباد کې د شیعه‌ګانو پر جومات د ځانمرګي برید په غبرګون د یوې اعلامیې په خپرولو سره ویلي، چې ریاض د عبادت ځایونو په نښه کولو، د بې‌ګناه خلکو منځ کې وېره خپرول او د هغوی وینه تویول په کلکو ټکو غندي.

سعودي عربستان وايي، تل به د هر ډول تاوتریخوالي، افراطیت او ترهګرۍ پر وړاندې د پاکستان ترڅنګ ولاړ اوسي.

پر همدغه مهال د قطر د بهرنیو چارو وزارت هم په اسلام‌اباد کې پر جومات خونړی برید غندلی او ټینګار کوي، چې د قطر دولت د هر ډول ترهګرۍ پروړاندې ثابت او نه بدلېدونکی دریځ لري.

قطر ویلي، چې پر عبادت ځایونو باندې بریدونه د منلو وړ نه دي.

د ناروې د بهرنیو چارو وزارت هم په اسلام‌اباد کې پر شیعه لمونځ کوونکو د ځانمرګي برید له قربانیانو او کورنیو سره خپله خواوږي څرګنده کړې ده.

په اسلام‌اباد کې پر شیعه لمونځ کوونکو باندې ځانمرګي برید ته نړۍوالو سازمانو او ګاونډیو هېوادونو هم غبرګونونه ښودلي او دا برید یې د ټولو انساني او دیني ارزښتونو خلاف عمل بللی دی.

هغه پر اېکس‌پاڼه لیکلي: «پر امام‌بارګاه بریدکوونکي خوارج او د هغوی ملاتړي په دې ناسم فهم کې دي چې ګواکې د الله په حضور کې په سجده بوختو بې‌ګناه مسلمانانو د وینې تویولو او د وېرې او ترهې له لارې به د پاکستانیانو هوډ کمزوری کړای شي».

نوموړي دغه څرګندونې وروسته له هغه وکړې، چې د جمعې په ورځ په اسلام‌اباد کې یوه ځانمرګي بریدګر پر شیعه‌ لمونځ کوونکو برید وکړ، چې له امله یې ۳۱ کسان ووژل شول او ۱۶۹ نور ټپیان شول. د پاکستان د دفاع وزیر خواجه اصف او د کورنیو چارو وزارت مرستیال ادعا کړې، چې یاد ځانمرګي بریدګر څو ځله افغانستان ته تګ‌راتګ کړی و.

پر افغانستان واکمنو طالبانو هم یاد برید غندلی او له افغانستان سره یې تړاو رد کړی دی.دې ډلې په یوې خبرپاڼه کې زیاته کړې، چې پاکستان دې بل ته د ګوتې نیولو پر ځای په خپلو امنیتي ناکامیو باندې کار وکړي.

د ملګرو ملتونو د سرمنشي د ویاند له‌خوا په خپره شوې اعلامیه کې د یاد سازمان د سرمنشي له قوله لیکل شوي، چې پر ملکي وګړو او عبادت کوونکو باندې بریدونه په هېڅ صورت د منلو وړ نه دي او ټینګار یې کړی، چې د یاد برید مسوولین باید وپېژندل شي او د قانون منګولو ته وسپارل شي.

انتونیو ګوترېش په اسلام‌اباد کې د ځانمرګي برید د قربانیانو له کورنیو سره خپله خواخوږي څرګنده کړې او د ترهګرۍ پر وړاندې مبارزې برخه کې یې د پاکستان له حکومت او خلکو سره د ملګرو ملتونو پر ملاتړ ټینګار کړی دی.

په اسلام‌اباد کې د شیعه‌ګانو پر جومات ځانمرګي برید کې ۳۱ شیعه لمونځ کوونکي وژل شوي او ۱۶۹ نور ټپیان شوي دي.

د یاد برید پړه تر اوسه کومې وسله‌والي ډلې پر غاړه نه ده اخیستي.

شریف په یوه رسمي بیان کې وویل، چې له دې خونړي برید وروسته د نړۍوالې ټولنې له لوري د خواخوږۍ او یووالي ګڼ پیغامونه یې ترلاسه کړې دي. هغه زیاته کړه، چې د دوستانو او نړۍوالو شریکانو ملاتړ تل د ترهګرۍ پر ضد د پاکستان په هڅو کې حیاتي رول لوبولی دی.

نوموړي دا برید «کرغېړن» بللی او څرګنده کړې یې ده، چې د دې «ناوړه جنایت طرحه‌کوونکي» او عاملین به هېڅکله خپلو شومو موخو ته ونه رسېږي او د پاکستان حکومت به په قوي توګه د ترهګرۍ پر وړاندې ودرېږي.

د شبهاز شریف په خبره، د پاکستان زړور ولس په دې حساسو شېبو کې یو موټی ولاړ دي او لکه د تېر په څېر به په کلک هوډ د ترهګرۍ پر ضد مبارزې ته دوام ورکړي او دا بلا به ماته کړي.

دا په داسې حال کې ده، چې سعودي عربستان، قطر، ناروې، جرمني، ایټالیا، هسپانیا، فرانسې، هالنډ، ترکیې، ایران او چین هم په جلا جلا بیانیو کې د ځانمرګي برید غندنه کړې او د پاکستان له خلکو سره یې د خواخوږۍ څرګندونه کړې او له هر ډول ترهګرۍ او تاوتریخوالي ډک افراطیت سره یې هم مخالفت اعلان کړی دی.

د یادونې وړ ده، چې د جمعې د لمانځه پر مهال د اسلام‌اباد ترلای سیمه کې د شیعه‌ګانو پر یوه جومات ځانمرګی برید وشو.

د رسمي معلوماتو له‌مخې، په دې برید کې تر اوسه پورې ۳۱کسان وژل شوي او تر ۱۶۹ ډېر ټپیان دي. پاکستاني چارواکو ویلي، په ټپیانو کې د ځینو وضعیت نازک دی او د مړو د ډېرېدو امکان شته.

د پاکستان د کورنیو چارو وزارت مرستیال زیاته کړې: «اوس مهال نه‌شو کولی ډېر معلومات له رسنیو سره شریک کړو، ځکه دا مهمه ده چې هغو کسانو ته ورسېږو چې د دې برید تر شا ولاړ دي. د ۷۲ ساعتونو په ترڅ کې به یو مفصل راپور خپور شي».

دا چاودنه د جمعې د لمانځه پر مهال شوې وه، چې له امله یې لږ تر لږه ۳۱ کسان ووژل شول او ۱۶۹ نور ټپیان شوي دي.

طلال چودري یو ځل بیا هند د نیوکې هدف وګرځاوه او ویې ویل، چې اسلام‌اباد له نړۍ په ځانګړي ډول د ګاونډیو هېوادونو سره د ترهګرۍ د ملاتړ اسناد شریک کړي او دا یې ثابته کړې، چې «ترهګري د هند له‌خوا تمویلېږي».

هغه زیاته کړه: «موږ داسې شواهد لرو چې هند په دې برخه کې خپله پانګونه درې برابره زیاته کړې ده. دا ترهګر د دین لپاره برید نه کوي، بلکې د ډالرو لپاره بریدونه ترسره کوي؛ که هغه د بلوچستان د ازادۍ پوځ وي، که تحریک طالبان پاکستان وي او که بله هره ډله وي، ټول د ډالرو په بدل کې جګړه کوي».

د پاکستان د کورنیو چارو وزارت مرستیال همدارنګه وویل، چې اسلام‌اباد څو ځله له افغان طالبانو غوښتي، چې ترهګرو ته پناه ورنه‌کړي او د هند د لاس اله ونه ګرځي. هغه خبرداری ورکړ: «دا نیابتي ډلې به هم له هماغه برخلیک سره مخ شي، له کوم سره چې هند د تېر کال د مې په میاشت کې مخ شو».

تر دې وړاندې د پاکستان د دفاع وزیر خواجه اصف هم ویلي وو، چې ځانمرګی بریدګر افغانستان ته په تګ‌راتګ کې و او د هند او طالبانو ترمنځ د اړیکو او همکارۍ نښې نښانې ترلاسه شوې دي.