۶هېوادونه هڅه کوي چې امریکا او ایران له پوځي اقدام تېر او یوې هوکړې ته سره ورسېږي
ټایمز اف اسراییل رسنۍ د منځني ختیځ د ډیپلوماتانو په حواله راپور ورکړی، شپږ اسلامي هېوادونه هڅه کوي چې امریکا او ایران د جمعې په ورځ په عمان کې په روانو خبرو اترو کې له پوځي اقدام څخه تېر او یوې هوکړې ته سره ورسېږي.
ویل شوي، چې دغه طرحه اټومي، توغندیز او د نیابتي ځواکونو موضوعات هم رانغاړي؛ خو تر اوسه د تهران او واشنګتن له لوري د یادې موضوع ارزونه نهده وروستۍ شوې. هممهاله د سپینې ماڼۍ ویاند د عمان په خبرو کې د امریکا او ایران د مذاکراتو په اړه ویلي، چې د امریکا د ولسمشر ډونالډ ټرمپ لپاره ډیپلوماسي د نړۍ له هېوادونو سره په معامله کې تل لومړی انتخاب وي.
ټاکل شوې، چې د جمعې ورځې په خبرو اترو کې د ایران له لوري د دغه هېواد د بهرنیو چارو وزیر عباس عراقچي او د امریکا له لوري سټیو وېټکاف او جرد کوشنر ګډون وکړي.
