طالبان وایي په بادغیس کې یې د وحشي مرغانو د ښکار په تور اته کسان نیولي دي
په بادغیس کې د طالبانو امنیه قوماندانۍ ویلي، چې د یاد ولایت په قادس ولسوالۍ کې یې اته کسان د وحشي مرغانو د ښکار په تور نیولي دي.
په بادغیس کې د طالبانو امنیه قوماندانۍ ویلي، چې د یاد ولایت په قادس ولسوالۍ کې یې اته کسان د وحشي مرغانو د ښکار په تور نیولي دي.
په بادغیس کې د طالبانو د امنیه قوماندانۍ ویاند صدیقالله صدیقي ویلي، چې تېره شپه یې د بادغیس ولایت د قادس ولسوالۍ اړوند د جهادوستانو په سیمه کې هغه اته کسان نیولي، چې د شپې له تیارې څخه په استفادې به یې په غرونو کې په غېرقانوني توګه د وحشي مرغانو ښکار کاوه.
صدیقي ویلي، چې د یادو ښکاریانو له ډلې یې ځینې د ښکار شویو مرغانو سره یو ځای نیولي دي.
دا په داسې حال کې ده، چې د طالبانو مشر ملا هبتالله اخوندزاده د یو فرمان په صادرولو سره د مرغانو ښکار منع کړی، خو لا هم په ځینو ولایتونو کې خلک د الوتونکو ښکار کوي.
