امریکایي چارواکی: نتنیاهو له ټرمپ سره د ژر کتنې غوښتنه وکړه
یو امریکایي چارواکي د اسراییل ۱۳ چینل ته ویلي، چې بنیامین نتنیاهو غوښتنه کړې وه، چې له ډونالډ ټرمپ سره د هغه ټاکل شوې لیدنه یوه اوونۍ مخکې ترسره شي. نتنیاهو پلان درلود، چې د سلواغې په ۲۹مه په سپینه ماڼۍ کې له ډونالډ ټرمپ سره وګوري، خو اوس د دې کتنې وخت بدل شوی دی.
د اسراییل د لومړي وزیر دفتر نن اعلان وکړ، چې بنیامین نتنیاهو به د سلواغې په ۲۲مه په واشنګټن کې له ډونالډ ټرمپ سره له ایران سره د مذاکراتو په اړه خبرې وکړي.
د دغې اعلامیې لهمخې، نتنیاهو باور لري چې «خبرې اترې باید د بالسټیک توغندیو د محدودولو او د ایران د رژیم لهخوا د مقاومت د محور د ملاتړ پای ته رسولو په برخه کې وي».
