د افغانانو له غبرګونو وروسته؛رحمانالله ګربز وايي چې د پاکستان په سوپر لیګ کې ګډون نه کوي
د افغانستان د ملي لوبډلې توپوهونکی رحمان الله ګربز وايي، چې د نوموړي د بنسټ کارونه نیمګړي پاتې دي او نشی کولی چې د پاکستان په لیګ یا پي اېس اېل کې ګډون وکړي. د پېښور زلمي لوبډلې ویلي و، چې ګربز به سږ کال د پاکستان سوپر لیګ (پياېساېل) کې د پېښور زلمي لوبډلې لپاره ولوبېږي.
د افغانستان د ملي لوبډلې توپوهونکی رحمان الله ګربز له هغه وروسته د پاکستان په سوپر لیک کې د نه ګډون پرېکړه کوي، چې په تولنیزو رسنیو کې د افغانانو له پراخ غبرګون سره مخ شو او افغانانو له هغه وغوښتل، چې د پاکستان په لیګ کې دې ګډون نه کوي، هغه ځکه چې د پکتیکا په ارګون ولسوالۍ کې پاکستان په هوايي بریدونو کې د کرکټ سیمه ییزې لوبډلې لوبغاړي په نښه کړل.
په دې غبرګون کې رحمان الله ګربز پاکستان ته په اشارې دوښمن هیواد یاد کړ او دا هوايي برید یې وغانده.
ددې پيښې وروسته افغانستان کرکټ بورډ خپلې رسمي لوبې له پاکستان سره لغوه کړې.
رحمان الله ګربز هغه وخت له افغانانو له توندو غبرګونونو سره مخ شو، چې د پېښور زلمي لوبډلې بنسټګر جاوېد اپریدی اعلان وکړ، چې افغان کرکټر رحمانالله ګربز به سږ کال د پاکستان سوپر لیګ (پياېساېل) په سیالیو کې د پېښور زلمي لوبډلې لپاره ولوبېږي.
