د ایران د قضايه قوې مشر: په لاریونونو کې تورن او محکوم کسان نهبښل کېږي
د ایران د قضایه قوې مشر غلام حسین محسني ویلي، چې په دغه هېواد کې د وروستیو ناکراریو او لاریونونو اړوند تورن او محکوم کسان د عمومي بښنې په نوملړ کې شامل نهدي. په یادو لاریونونو او اعتراضونو کې لسګونه زره اعتراض کوونکي هم وژل شوي دي.
د ایران فارس خبري اژانس د یاد هېواد د قضایه قوې د مشر غلام حسین محسني له قوله راپور ورکړی، هغه کسان به ونه بښل شې چې د ایران په وروستیو لاریونونو کې تورن او محکوم شوي دي.
نوموړي ویلي: «رامنځته شوي وضعیت او وروستیو تاوتریخجنو لاریونونو ته په کتو مې لارښوونه کړې چې د هغو ټولو محکوم کړل شویو کسان نومونه د بښنې له نوملړ څخه لرې کړي، چې له هر ډول امنیتي مسایلو سره تړاو لري».
د نوموړي د یادې لارښوونې لهمخې به هغه کسان چې په وروستیو میاشتو کې د لاریونونو، ناامنیو او امنیتي قضیو په تور نیول شوي یا محکوم شوي د ایران د حکومت لهخوا به د بښنې له ځانګړو امتیازونو څخه بې برخې وي.
د راپورونو لهمخې، د ایران په وروستیو لاریونونو او اعتراضونو کې لسګونه معترضین هم وژل شوي او داسې راپورونه هم شته چې ډېری دغه پېښې د ایراني ځواکونو له لوري رامنځته شوې دي.
