د طالبانو د کلیو د بېارغونې او پراختیا وزارت خبر ورکړی، چې په ننګرهار ولایت کې د اوبو رسولو دوه شبکې بشپړې شوې او په رسمي ډول ګټې اخیستنې ته سپارل شوې دي. همدا راز غزني کې د اوبو رسولو نوې شبکې چارې پېل شوي دي.
د دغه وزارت له خوا په خپره شوې خبرپاڼه کې چې نن یکشنبه ( د سلواغې ۱۹مه) خپره شوې راغلي چې ، دغه شبکه، پاکو اوبو ته د لاسرسي ستونزو د حل په موخه جوړې شوې دي.
همداراز، په همدې نېټه د غزني ولایت کې هم د اوبو رسولو د یوې نوې شبکې د جوړولو چارې هم پیل شوې دي.
د مسوولینو په وینا، د دغو پروژو په بشپړېدو سره به د یادو سیمو د اوسېدونکو لاسرسی د څښاک پاکو اوبو ته ښه شي.
