د ملګرو ملتونو د نشهیي توکو او جرمونو پر ضد ادارې (UNODC) د هلمند او کندهار په پخوانیو کوکنارو کرنیزو سیمو کې د اوبو زېرمه کولو شپږ نوې جوړښتونه جوړ کړي، چې سلګونه کورنیو ته اوبه برابروي.
د ملګرو ملتونو دغه ادارې په ایکس لیکلي، چې له دې لارې د ۲۹۸۰ کورنیو لپاره د اوبو برابرول اسانه شوي او شاوخوا ۶۷۰ هکتاره کرنیزه ځمکه د اوبه خور سیستم ښه شوی دی.
د نشهیي توکو او جرمونو پر ضد ادارېلیکلي، چې دا پروګرام د جاپان د نړیوالې همکارۍ ادارې (JICA) په ملاتړ له جون ۲۰۲۵څخه پیل شوی دی. د اوبو د زېرمه کولو نوې جوړښتونه په هغو سیمو کې جوړ شوي چې مخکې د اپیم یا کوکنارو د کرنې لپاره مشهورې وې، او اوس د قانوني کرنیزو محصولاتو د کښت لپاره ګټه ور کوي.
ددغه ادارېچارواکي وايي چې د دې پروګرام هدف دا دی چې د کرنې پر بنسټ د خلکو اقتصادي ژوند ښه کړي، د نشهیي توکو تولید کم کړي او د اوبو د موثر استعمال لارې چارې رامنځته کړي.
