په ننګرهار او سمنګان کې د ټرافیکي پېښو له امله ۷ کسان مړه او ۸ نور ټپيان شوي

د طالبانو اقتصاد وزارت د یکشنبې په ورځ (د سلواغې ۱۹مه) د یوې خبرپاڼې په خپرولو سره ویلي، چې د یادې ډلې د اقتصاد وزیر دین محمد حنیف د کاتولیکانو خیریه خدمتونو ادارې له مشر باشان کلاهان سره د لېدنې پر مهال د بشري مرستو د دوام په اړه خبرې کړې دي.

په خبرپاڼه کې راغلي، چې د کاتولیکانو خیریه خدمتونو ادارې مسوولینو له طالب وزیر سره په بلخ او کندوز کې د کرنې او مالدارۍ، نغدي مرستو او د راستنېدونکو کډوالو لپاره د کوچنیو کاروبارونو په تړاو د خپلو فعالیتونو په اړه معلومات شریک کړي دي.

طالبانو ویلي، چې یادې خیریه ادارې د افغانستان نورو ولایتونو ته د خپلو فعالیتونو د غځولو او د همکاریو پر پراختیا هم ټینګار کړی دی.

په ورته مهال د طالبانو د اقتصاد وزیر له موسسو او خیریه بسټونو غوښتنه کړې، چې د بشري مرستو د دوام تر څنګ دې پر پراختیايي پروژو هم تمرکز وکړي.

حنیف ویلي، چې د کډوالو ستونزو ته د رسېدو لپاره یې ۲۵ ښارګوټي جوړ کړي، خو یاد ښارګوټي د څښاک پاکو اوبو، د کورونو جوړولو، روغتونونو، ښوونځيو او نورو خدماتو ته اړتیا لري.

نوموړي ویلي، چې خیریه موسسې دې په یادو برخو کې خپلې همکارۍزیاتې کړي.

دا په داسې حال کې ده، چې په افغانستان کې لسګونه بهرنۍ موسسې او خیریه بنسټونه په بېلابېلو برخو کې خدمات وړاندې کوي، خو اړمن کسان بیا وايي، چې یادې مرستې ورته بسنه نه‌کوي او د ډېرو او پر ځای مرستو هیله لري. له دې سره سم، موسسې سملاسي مرستو ته لومړیتوب ورکوي او پراختیايي پروژو ته چندانې پام نه‌لري.

د ننګرهار ولایت لپاره د طالبانو د امنیه قومندانۍ ویاند سید طیب حماد د یکشنبې په ورځ (د سلواغې ۱۹مه) وویل، دغه کسان د جلال‌اباد ښار د لومړۍ امنیتي حوزې اړوند د زاړه ګمرک ترڅنګ په یوه کباړخونه کې په داسې حال کې نیول شوي، چې خلکو او ځینو هوټلونو ته یې مردار شوي چرګان د پلور لپاره برابرول.

د نوموړي په وینا، له یادو کسانو شاوخوا ۱۸۰۰ مردار چرګان هم ترلاسه شوي دي.

ویل کېږي یادو کسانو پر خپلو کړنو اعتراف کړی او تر څېړنو وروسته به عدلي او قضايي بنسټونو ته وسپارل شي.

د پاکستان د جمعیت علمای اسلام مشر مولانا فضل الرحمان د یکشنبې په ورځ (د سلواغې ۱۹مه) په راولپېنډۍ کې یوې غونډې ته د وینا پر مهال د افغانستان په اړه د پاکستان پر پالیسیو توندې نیوکې کړې دي.

نوموړي د پاکستان حکومت ته په اشاره ویلي: «هر پاکستانی دا پوښتنه لري، چې د ظاهر شاه له وخته بیا تر اوسنیو طالبانو ولې پاکستان له افغانستان سره جوړ نه‌شي راتلای، بېلابېل خلک، د کمونېستانو، جهادیانو، طالبانو او نورو حکومتونه راغلل او لاړل، خو بیا هم ولې د پاکستان پالیسي د افغانستان پر وړاندې ناکامه ده؟».

نوموړي د پاکستان د هغو ادعاوو په اړه چې ترهګر له افغان خاورې په پاکستان کې وسله‌وال بریدونه کوي زیاته کړه: «که ترهګر له افغانستان څخه راځي، خو مخه یې ونیسئ، ويې وژنئ. جالبه ده، چې د افغانستان یو انار د پاکستان لوري ته نه‌شي راتلای، ساړه او ګرم نه‌شي راتلای او ترهګر راتلای شي».

تر دې مخکې طالبانو هم د پاکستان د حکومت او پوځ دغه ډول ادعاوې ناسمې بللي او ویلي یې دي، چې له افغانستان څخه هېڅ وسله‌واله ډله د ګاونډیو هېوادونو پر ضد فعالیت نه‌لري.

مولانا فضل الرحمان همدارنګه ویلي، چې دغه ډول بهانې او ادعاوې د پاکستان د حکومت پر ناکامه بهرنیو پالیسیو دلالت کوي.

نوموړي همدارنګه ویلي، چې د پاکستان په خیبر پښتونخوا او بلوچستان کې نا امنۍ او بې ثباتۍ هم د پاکستان د داخلي ناسمو پالیسو پایله ده او اوس د یادو ناسمو پالیسیو له امله بریدونه تر اسلام‌اباده رسېدلي دي.

ذبیح‌الله مجاهد ادعا کړې چې په هغه وخت کې د یادې نجلۍ له کورنۍ سره مرسته شوې، نجلۍ خپل کور ته ستنه شوې او هغه کسان چې د نوموړې د اعتراف ویډیو یې ثبت کړې وه، نیول شوي او بندي شوي دي.

دا څرګندونې وروسته له هغې کېږي چې په دې وروستیو کې د یوې نجلۍ چې د هلکانو جامې یې اغوستې وې د اجباري اعتراف ویډیو په ټولنیزو رسنیو کې پراخ غبرګونونه راوپارول.

په ویډیو کې نجلۍ وایي چې د خپلې کورنۍ او خویندو د ساتنې لپاره اړ شوې ده د هلکانو جامې واغوندي او کار وکړي.

تر دې وړاندې د بشري حقونو فعالانو او د ښځو د حقونو بنسټونو د یادې پېښې په تړاو اندېښنه ښودلې او د طالبانو له لوري د ښځو او نجونو پر وړاندې د چلند په اړه یې پوښتنې راپورته کړې وې.

طالبانو تر اوسه د دې پېښې د دقیق وخت، د نجلۍ د اوسني وضعیت او د نیول شویو کسانو د هویت او سزا په اړه نور جزئیات نه دي وړاندې کړي.

یاد وزارت په یوه خبرپاڼه کې ویلي، چې د نورستان، ننګرهار، لغمان، پنجشېر، پروان، کاپیسا، بغلان، سمنګان، لوګر، پکتیا، پکتیکا، خوست، میدان وردګ، بامیان، دایکندي، غزني، زابل، ارزګان، کندهار، هلمند، فراه، هرات، غور، بادغیس، فاریاب او سرپل ولایتونه به د ورښتونو شاهد وي.

خبرپاڼه زیاتوي، چې د واورو او ورښتونو ترڅنګ د چټکو بادونو اټکل هم شوی دی.

د طالبانو د هوا پوهنې ریاست خلکو ته سپارښتنه کړې چې په دې ورځو کې له اړتیا پرته له کوره له وتلو ډډه وکړي او له موټر چلونکو یې غوښتي چې په ځانګړې توګه په غرنیو او لوړو سیمو کې احتیاطي تدابیر په پام کې ونیسي.