د طالبانو د دفاع وزارت: ګاونډیان دې د خپلو امنیتي ناکامیو پړه پر افغانستان نه اچوي

امرالله صالح نن یکشنبه، د سلواغې پر ۱۹مه په اېکس کې لیکلي، چې په پاکستان کې چارواکو اعلان کړی، چې دوی د فبروري په ۶مه په اسلام اباد کې د ترهګریز برید تر شا اصلي طراح نیولی دی او که ریښتیا وي نو تعقیب دې یې کړي.

هغه لیکلي:« که ریښتیا وي نو دا کره شواهد ، یا د ټوپک ګرم میل دی. اوس چې تاسې د هغو کسانو په اړه کره شواهد لرئ چې د پلازمېنې په زړه کې یې لمونځ کوونکي ووژل، نو پوځ بسیج کړئ او هغوی تعقیب کړئ،که هر څوک او هر چېرې وي.»

امرالله صالح پاکستان ته په خطاب کې ویلي، چې «ستاسې ټوپکونه دې غوسه ښکاره کړي، نه ستاسو ټویټونه».

له برید یوه شپې وروسته د پاکستان امنیتي ادارو ادعا وکړه، چې د اسلام اباد وروستي برید طراح په ګډون د هغوی ۴ همکاران یې د عملیاتو پرمهال نیولی دي ، خو وروسته یې وویل چې بریدګر افغان نه دی ، خو افغانستان ته یې سفرونه کړي دي.

ددغه برید مسوولیت داعش وسله والې ډلې پر غاړه اخېستی دی.

د طالبانو په ولکه کې د افغانستان بانک د یوې خبرپاڼې په خپرولو سره ویلي، چې دغه بانکنوټونه نن یکشنبه، د سلواغې په ۱۹مه، په هرات ولایت کې په یوه ځانګړي ځای کې له منځه یووړل شول.

د خبرپاڼې له مخې، سوځول شوي بانکنوټونه د ۱۰، ۲۰، ۵۰، ۱۰۰، ۵۰۰ او ۱۰۰۰افغانیو له بېلابېلو ډولونو څخه وو، چې د ډېرې کارونې له امله زاړه او د استفادې وړ نه وو .

د بانک لپاره د طالبانو دویم مرستیال ملا محمد اخوند ویلي چې د مندرس بانکنوټونو پر ځای به نوي بانکنوټونه بازار ته وړاندې شي، څو خلک وکولای شي پرته له ځنډه خپلې ورځنۍ معاملې او راکړه ورکړه وکړي.

نوموړي له خلکو غوښتي چې افغاني بانکنوټونه سم وساتي.

کېنډلر دا څرګندونې د پاکستان په لاهور ښار کې د «اساسي حقونو زوال او سرحدي مقاومت» تر سرلیک لاندې په یوه کنفرانس کې کړې دي.

هغې په خپلو خبرو کې د افغان کډوالو د حقوقي ملاتړ او انساني کرامت په خوندي ساتلو ټینګار وکړ او زیاته یې کړه چې د ملګرو ملتونو اداره له خپلو شریکانو سره په همکارۍ د افغان کډوالو د حقونو د خوندي کولو هڅې کوي.

دا په داسې حال کې ده چې د پاکستان حکومت د افغان کډوالو د نیولو او اخراج عملیات لا پسې زیات او چټک کړي دي.

د ملګرو ملتونو د کډوالو د عالي کمېشنرۍ په یوه راپور کې ویل شوي چې په ۲۰۲۵کال کې لږ تر لږه ۲.۸میلیونه افغان کډوال له ایران او پاکستان څخه افغانستان ته ستانه شوي دي، چې په دې کې ۱.۸میلیونه له ایران او شاوخوا ۹۳۰زره له پاکستان څخه شړل شوي دي.

ملګرو ملتونو په ټینګار سره غوښتنه کړې چې افغان کډوال باید په پاکستان کې د قانوني ملاتړ او خوندي چاپېریال تر چتر لاندې وساتل شي.

د طالبانو د ریاست الوزرا اقتصادي مرستیال ملا عبدالغني برادر نن یکشنبه، د سلواغې پر ۱۹مه د طالبانو د ملي دفاع وزارت اړوند نظامي پوهنتون د حضرت معاذ بن جبل (رض) نظامي اکاډمۍ د اوولسمې دورې په فراغت غونډه کې وویل، چې د اوږدمهاله سیاسي او اقتصادي ګټو د خوندي کولو لپاره لازمه ده، چې هیوادونه د یو او بل ارزښتونو او حریمونو ته درناوی ولري.

ملا برادر له ټولو هېوادونو وغوښتل، چې د ارزښتونو او اصولو په چوکاټ کې دې له افغانستان سره د تعامل هڅه وکړي او هغه انرژي او امکانات، چې د یو او بل په تخریب ضایع کېږي، ښه ده چې د یو او بل په ملاتړ او د مشترکو ټکو په پیاوړي کولو مصرف شي.

د روان کال د تلې پر ۷مه، پاکستان پر کابل هوايي برید وکړ، چې د دغه هیواد او طالبانو ترمنځ یې اړیکې ترینګلې کړې.

له هغه وروسته قطر او ترکیې د کړکیچ د کنټرول لپاره هڅې پیل کړې. که څه هم په دوحه او استانبول کې د افغان طالبانو او پاکستاني حکومت ترمنځ د خبرو اترو درې پړاوونه د دواړو خواوو ترمنځ اوربند ته ورسیدل خو د دواړو خواوو ترمنځ لاهم ستونزې اوارې نه دي.

ملا عبدالغني برادر وویل، چې دوی د اقتصاد محوره سیاست په چوکاټ کې په سیمه ییز او نړیوال مشارکت باور لري او د خپلو اصولو په چوکاټ کې له هر هیواد سره تعامل ته ژمن دي.

هغه زیاته کړه: «افغانستان نه چاته ضرر رسول غواړي او نه یې له چا مني. خو که څوک ناولې ارادې ورته لري، نو بیا خپل پور چا ته نه پرېږدي. تاریخ ګواه دی چې دا هېواد غوړه ګوله نه، بلکې د زقوم ونه ده؛ د سترو امپراتوریو مرۍ یې ور ترخې کړې، نو زیږي ماشومان به یې هېڅکله هضم نشي کړای.»

ملا عبدالغني برادر وویل چې په نږدې ورځو کې به کورنیو او بهرنیو پانګوالو ته په نویو سکتورونو کې د پانګونې اندازې ته په کتو له یو تر پنځو کلونو پورې بشپړ مالیاتي معافیت اعلان کړي.

نوموړي زياته کړه، په دې سره به له یوه لوري نوي سکتورونه پرمختګ وکړي او له بل لوري به د هیواد په اقتصادي وده او خودکفایۍ کې پام وړ اغېز ولري.

ملا برادر وویل چې د صنعت او سوداګرۍ وزارت ته جدي لارښوونه شوې چې د کوچني، متوسط او لوی صنعت لپاره د ځمکو د توزیع پروسه ګړندۍ او لازم امکانات ورته برابر کړي.

د راپور له مخې، طالبانو نوي سخت قوانین نافذ کړي چې د ښځو د تګ راتګ، کار کولو او زده‌کړو ته د لاسرسي مخه نیسي.

د ملګرو ملتونو د بشري حقونو کارپوهانو دا وضعیت «جنسیتي اپارتاید» بللی او خبرداری یې ورکړی چې دا کړنې د بشري حقونو له بنسټیزو اصولو سره په ټکر کې دي.

همداراز، د جرمونو نړیوالې محکمې په جولای میاشت کې د طالبانو د ځینو لوړپوړو مشرانو پر ضد د ښځو د ځورونې په تور د نیولو حکمونه هم صادر کړي دي.

راپور همدارنګه وايي، چې طالبانو د رسنیو پر فعالیتونو نوي محدودیتونه لګولي، یو شمېر خبریالان او منتقدین یې په خپل‌سري ډول نیولي او د «اخلاقي قوانینو» تر نامه لاندې یې خلک تعقیب کړي دي. د بهرنۍ مرستې د کمېدو له امله، د رسنیو مالي ستونزې هم زیاتې شوې او د خبریالانو شمېر راکم شوی دی.

د بشري حقونو د څار بنست ټینګار کړی، چې په ۲۰۲۵کال کې د بهرنۍ مرستې د کمښت او د میلیونونو افغان کډوالو د جبري راستنېدو له امله د افغانستان بشري ناورین لا ژور شوی دی.

د راپور په وینا، تر ۲۲میلیونو ډېر خلک د خوړو له جدي ناامنۍ سره مخ دي چې ښځې او نجونې تر ټولو ډېرې زیانمنې شوې دي.

یاد سازمان له نړیوالې ټولنې غوښتي، چې پر طالبانو فشارونه زیات کړي، له افغان ولس سره بشري مرستې دوامداره وساتي، د افغانستان د بشري حقونو د څېړنې خپلواک میکانیزم ملاتړ وکړي او هغه افغان کډوال په زور بېرته ستانه نه کړي، چې د ځورونې او مرګ له ګواښ سره مخ دي.