د پاکستان حکومت اعلان کړی، چې دغه هېواد د ۲۰۲۶ کال د شل اوریز نړۍوال جام د سیالیو په چوکاټ کې د هند د کرېکټ ملي ټیم سره د لوبې کولو موافقه کړې ده. ټاکل شوې ده، چې دا لوبه د ۱۴۰۴ کال د سلواغې ۲۶مه په سریلانکا کې ترسره شي.
دا پرېکړه په داسې حال کې شوې ده، چې پاکستان تر دې وړاندې د جیوپولیټیکي کړکېچونو له امله له خپل دودیز سیال سره د لوبې د بایکاټ هوډ درلود. خو د پاکستان حکومت د دوشنبې په ورځ له خپل پخواني دریځ څخه په شا شو او د دغې حساسې لوبې ترسره کېدو ته یې شین څراغ وښود.د هند او پاکستان ترمنځ لوبې تل د کرېکټ په نړۍ کې یو له تر ټولو زیاتو نندارچیانو لرونکو او حساسو سیالیو څخه ګڼل کېږي او په شل اوریز نړۍوال جام کې د دې دواړو لوبډلو مخامخ کېدل په ټوله نړۍ کې د میلیونونو مینهوالو پام ځان ته اړوي. اوس د اسلاماباد په تازه پرېکړې سره، د دې لوبې د ترسره کېدو پر وړاندې کوم خنډ نه دی پاتې او تمه کېږي، چې دا لوبه د پلان لهمخې په سریلانکا کې ترسره شي.
د افغانستان اتلتیک فدراسیون په تیانجین سیالیو کې د دغه لوبغاړي ریکارډ ماتونکی فعالیت تایید کړ. د فدراسیون په وینا؛ عبداللهی د چین په تیانجین کې د اتلتیک اسیا جام اتلولۍ سیالیو کې د لسو ګډون کوونکو لوبغاړو په منځ کې لسم مقام ترلاسه کړ.
دغه افغان ورزشکار ۳زره مټره واټن په ۹:۲۵.۷۱ وخت کې وواهه او په دغه سیالۍ کې یې د محمد کریم یاقوت پخوانی ریکارډ مات کړ. پخوانی ریکارډ د ۲۰۱۵کال (د فبرورۍ په ۱۲مه) د تهران په سیالۍ کې د ۹:۳۰.۱۵ دقیقو سره جوړ شو. په دې توګه عبداللهی وکولای شول، چې د افغانستان ملي ریکارډ شاوخوا پنځه ثانیې ښه کړي.
په دغه سیالیو کې عبداللهی د چین، پاکستان، جاپان، قرغزستان، ازبکستان، کمبوډیا او ایران له لوبغاړو سره سیالي وکړه، که څه هم دغه سیالي پرته له مډال ترلاسه کولو پای ته ورسېده؛ خو د افغانستان اتلتیک لپاره یوه تاریخي لاسته راوړنه وه.
