د ترکیې د بهرنیو چارو وزیر: روبیو له ۱۲ ورځنۍ جګړې مخکې ایران ته پیغام استولی و
د ترکیې د بهرنیو چارو وزیر وایي: «له ۱۲ ورځنۍ جګړې مخکې روبیو ماته زنګ وواهه او ویې ویل، ایرانیانو ته خبر ورکړئ چې په راتلونکو څو ساعتونو کې هر څه پېښېدلی شي. ما سمدستي خپل ایراني سیال ته خبر ورکړ او هغه وویل دا څنګه ممکنه ده؟ موږ د یکشنبې په ورځ له دوی سره د لیدنې وخت لرو».
هاکان فیدان زیاته کړه: «البته چا چې خبر راکړ، امریکایان وو، خو برید اسراییل ترسره کړ او دا جګړه ۱۲ ورځې روانه وه».
