د طالبانو د یو قراردادي شریک نوم د جېفري اپسټین د جنسي رسوایۍ په دوسیه کې راڅرګند شو

لاریونوال پر حکومتي ودانیو اور اچونکي بمونه غورځولي او پولیسو یې د مخنیوي لپاره اوبه شیندونکي وسایط کارولي دي. دا پېښه د هغو پرله‌پسې تاوتریخجنو لاریونونو تازه بېلګه ده چې د البانیا د لومړي وزیر ادي راما سیاسي ثبات ګواښي. راما له ۲۰۱۳ کال راهیسې په واک کې دی.

البانیا کې سیاسي کړکېچ د تېر ډسمبر له میاشتې وروسته هغه مهال لا پسې زیات شو، کله چې د ځانګړې څارنوالۍ یوې ادارې د لومړي وزیر مرستیاله بلیندا بالوکو تورنه کړه، چې د لویو بنسټیزو پروژو په عامه داوطلبیو کې یې لاسوهنه کړې او ځینو ځانګړو شرکتونو ته یې امتیازونه ورکړي دي. بالوکو دغه تورونه رد کړي دي.

زرګونه کسان د تیرانا په مرکزي میدان کې راټول شوي وو، چې په لاسونو کې یې بیرغونه او شعارلیکونه نیولي وو او نارې یې وهلې: «راما، کور ته لاړ شه، دا فاسد حکومت باید استعفا ورکړي». د پولیسو ځانګړو ځواکونو د ځانګړو امنیتي وسایلو په اغوستلو سره له دولتي ودانیو ساتنه کوله.

ځانګړې څارنوالۍ چې د فساد او تنظیم شویو جرمونو پر ضد د مبارزې مسوولیت لري، له پارلمان څخه غوښتنه کړې، څو په روانه اوونۍ کې د بالوکو پارلماني مصوونیت لغوه کړي او د نیولو زمینه برابره شي. تراوسه روښانه نه ده، چې د البانیا پارلمان به د راما په مشرۍ د واکمن ګوند په اکثریت سره کله د دې غوښتنې په اړه رایه ورکړي او یا دا چې رایه‌اچونه به ترسره شي او که نه.

د رویټرز د راپور له‌مخې، د پاتریوټ توغندیو د نیمه‌دایمي لانچرونو پر ځای د ګرځنده لاریو کارول دا ښيي، چې امریکا غواړي دا سیسټمونه په چټکۍ سره ځای پر ځای کړي او یا یې د ایران د احتمالي برید پر مهال په دفاعي بڼه ولېږدوي؛ دا چاره په سیمه کې د خطر د کچې لوړېدو نښه ده.

د امریکا ولسمشر ډونالډ ټرمپ ایران ته ګواښ کړی، چې د هغه د اټومي او بالسټیک توغندیو د پروګرامونو، په منځني ختیځ کې د متحدو ډلو د ملاتړ او د کورني مخالفت د ځپلو له امله به پرې بمبارۍ وکړي، که څه هم د جګړې د مخنیوي لپاره خبرې لا هم روانې دي.

امریکا په عراق، اردن، کویټ، سعودي عربستان، قطر، بحرین، متحده عربي اماراتو، عمان، ترکیه او د هند سمندر په ډیاګو ګارسیا کې هم پوځي اډې لري.

د ایران د سپاه پاسداران ځواکونو خبرداری ورکړی، چې که پر ایراني خاوره برید وشي، نو دوی کولی شي د سیمې هره امریکایي اډه په نښه کړي.

ویلیم ګوډهېنډ چې د(Contested Ground) ادارې د انځورونو عدلي شنونکی دی ویلي، د جنورۍ او فبرورۍ د لومړیو د سپوږمکۍ انځورونو پرتله ښيي، چې په ټوله سیمه کې الوتکې او نور پوځي تجهیزات زیات شوي دي.

هغه وویل، چې د فېبرورۍ په پیل کې د العدید په اډه کې پاتریوټ توغندي د ام ۹۸۳ درنو پوځي لاریوباندې بار شوي وو.

هغه زیاته کړه: «دا پرېکړه پاتریوت توغندیو ته ډېره خوځښت ورکوي، یعنې دوی ژر بل ځای ته انتقالېدلی شي یا په چټکۍ سره بیا ځای پر ځای کېدای شي.»

تر سه‌شنبې پورې دا روښانه نه وه چې ایا توغندي لا هم په دغو لاریو کې دي که نه.

ایران وایي چې تېر اوړي د دوو اونیو جګړې وروسته یې د توغندیو زیرمې بېرته ډکې کړې دي، هغه مهال چې اسراییل د ایران پر اټومي تاسیساتو او ځینو نورو پوځي اهدافو بریدونه وکړل او امریکا هم د دې کمپاین په وروستیو کې ګډون وکړ.

ایران د تهران شاوخوا، د کرمانشاه، سمنان او د خلیج ساحل ته نږدې د ځمکې لاندې توغندیز مرکزونه لري.

د ایران سمندري بې‌پیلوټه الوتکو وړونکې بېړۍ د جنورۍ په ۲۷مه د بندر عباس څخه شاوخوا ۵ کیلومتره لرې په سمندر کې د سپوږمکۍ په انځورونو کې لیدل شوې وه. دا بېړۍ د فبرورۍ په ۱۰مه هم د بندر عباس ته نږدې لیدل شوې ده.

د ټرېنډ خبري اژانس د راپور له‌مخې، جي‌ډي‌ونس دا څرګندونې د اذربایجان د ولسمشر الهام علي‌اوف سره د یوې ګډې خبري ناستې پر مهال وکړې. نوموړي په افغانستان کې د باکو او واشنګټن ترمنځ پوځي همکاریو ته په اشارې وویل، چې دا ملګرتیا له کلونو راهیسې تر هغه کچې کمه یاده شوې ده، چې ارزښت یې لري، حال دا چې د امریکا متحده ایالتونو ته یې خورا ستر اهمیت درلود.

د امریکا مرستیال ولسمشر زیاته کړه: «کېدای شي ډېر امریکایي وګړي په دې نه وي خبر چې اذربایجاني ځواکونه په افغانستان کې د امریکا د سمندري پوځیانو (مېرینز) تر څنګ جنګېدل او د دې هېواد له تر ټولو زړورو، کلکو او سرسختو پوځي ځواکونو څخه ګڼل کېدل».

ونس ټینګار وکړ، چې اذربایجان د نړۍوالو ځواکونو د حضور پر مهال په افغانستان کې د ترهګرۍ پر ضد عملیاتو ته پراخ ملاتړ ورکړی و او د دې هېواد د ځواکونو دوامداره حضور تر وروستیو وتلو پړاوونو پورې د دې ماموریت پر وړاندې د باکو جدي ژمنتیا ښيي.

هغه په پای کې وویل: «موږ نن دلته راغلي یو، څو د دې دوستۍ او همکارۍ مننه وکړو او په عین حال کې د دواړو هېوادونو په اړیکو کې نوې پاڼه پرانیزو او د ګډو همکاریو یو نوی پړاو پیل کړو».

د اندونیزیا د ولسمشر پرابوو سبیانټو ویاند پراېسټیو هادي ویلي چې دا شمېره د بېلابېلو هېوادونو د ګډې ژمنې برخه ده او اندونیزیا تر اوسه پورې یوازې خپل چمتووالی اعلان کړی دی.

هغه وویل: «ټول شمېر شاوخوا ۲۰ زره دی او دا یواځې د اندونیزیا ځواک نه دی».

پراېسټیو همدارنګه څرګنده کړه چې اندونیزیا د دې ځواک د ماموریت جزییاتو ته په تمه ده، او تر هغه چې د ماموریت جواز، دنده او ساحه په رسمي ډول نه وي ټاکل شوې، د عسکرو دقیق شمېر نه نهايي کیږي.

اندونیزیا تېر کال ژمنه کړې وه چې د غزې د سولې ساتنې په ماموریت کې به تر ۲۰ رزه پورې سرتېري چمتو کړي، خو دوی نړیوالې اجازې تر لاسه کولو ته اړتیا لري.

د اندونیزیا دفاع وزارت هم د اسراییلي رسنیو هغه راپورونه رد کړل چې ګواکې د دغه هېواد عسکر به په ځانګړو سیمو لکه رفح او خان یونس کې ځای پر ځای شي.

محلي رسنیو د جپاروف د مطبوعاتي سکرتر له قوله ویلي چې ولسمشر دا پرېکړه «د ټولنې د وېش مخنیوي او د حکومتي ادارو ترمنځ د همغږۍ د پیاوړتیا لپاره» کړې ده.

قرغیزستان چې شاوخوا ۷ میلیونه نفوس او له روسیې سره نږدې اړیکې لري، د لویدیزو هېوادونو تر څارنې لاندې دی.

جپاروف او تاشییف د خپلو پلویانو له نظره د مرکزي اسیا په دې جمهوریت کې د کلونو سیاسي ګډوډۍ پای ته رسولو او د سیاسي مشرانو ترمنځ د ایتلافونو جوړولو له لارې واک ټینګ کړی و.

خو منتقدین وايي چې دوی پر مخالفو غږونو او ازادو رسنیوفشار راوړی دی.