واشنګټن ته د نتنیاهو د سفر لامل: ټرمپ ته د ویټکاف له لوري د معلوماتو په بشپړ لېږد کې شک
د اسراییل ۱۲ کانال راپور ورکړی، واشنګټن ته د دغه هېواد د لومړي وزیر ناڅاپي سفر او له ډونالډ ټرمپ سره لیدنه له مخکیني پلان پرته په چټکۍ ترسره کېږي، څو د ایران په اړه د اسراییل استخباراتي ارزونې خپله ولسمشر ته وسپاري او ډاډ ترلاسه کړي، چې ټرمپ ټول معلومات په دقیق ډول ترلاسه کړي.
د دغه راپور لهمخې، بنیامین نتنیاهو هوډ لري ټرمپ ته کټ مټ هغه راپور وړاندې کړي، چې تېره اوونۍ د امریکا ځانګړي استازي سټیو ویټکاف هغه ته ورکړی و.
په دغه راپور کې د اسراییل د لومړي وزیر د یوې نږدې سرچینې له قوله راغلي: «نتنیاهو پرېکړه کړې چې دا توضیحات په خپله وړاندې کړي، ترڅو ډاډ ترلاسه کړي چې ټرمپ ټول معلومات په دقیق ډول ترلاسه کوي».
د ۱۲کانال په حواله، په دغه ناسته کې به د ایران پر اټومي او توغندیزو پروګرامونو، په سیمه کې د نیابتي ځواکونو څخه د تهران پر ملاتړ او همدارنګه د وروستیو اعتراضونو پر مهال د اعتراض کوونکو پر خونړي ځپلو بحث او خبرې وشي.
