د روغتیا نړۍوال سازمان په افغانستان کې د انټي بیوټیک د ناسمې کارونې په اړه خبرداری ورکړ

د یاد ریاست له‌خوا په خپره شوې خبرپاڼه کې راغلي، د څارنې او ارزونې امریت یوې ډلې د کهسان ولسوالۍ د اسلام‌کلا بازار اړوند سیمو کې ۲۲ درملتونونه څارلي او ارزولي دي. خبرپاڼه زیاتوي، د ترسره شویو څېړنو له مخې له یادو درملتونونو څخه ۱۰ هغه د قانوني اسنادو نه وړاندې کولو له امله مهر او لاک شول.

د خبرپاڼې له مخې؛ د یادې څارنې پرمهال دارنګه غیرمجاز، بې‌لېبله او تاریخ‌تېر درمل هم راټول او د نورو قانوني مراحلو لپاره په هرات کې د طالبانو د عامې روغتیا ریاست ته لېږدول شوي دي.

په هرات کې د طالبانو د عامې روغتیا ریاست ټینګار کړی، چې د خلکو د روغتیایي خوندیتوب په موخه به د درملتونونو د فعالیتونو څارنه لا پسې جدي کړي او د درملو د ناقانونه پلور او نامعیاري خدمتونو پر وړاندې به قانوني چلند وشي.

د طالبانو د بهرنیو چارو وزارت د خبرپاڼې له مخې؛ په دغه ناسته کې د یادې ډلې د بهرنیو چارو، مالیې، صنعت او سوداګرۍ، اقتصاد، کار او ټولنیزو چارو وزارتونو، د افغانستان بانک استازو، د یوناما او د ملګرو ملتونو اړوندو ادارو، نړۍوالو او سیمه‌ییزو سازمانونو، د ګڼو هېوادونو سفیرانو، ډیپلوماټانو او اړوندو کارپوهانو په حضوري او انلاین ډول ګډون کړی و.

په خبرپاڼه کې راغلي، ناسته په دوو برخو وېشل شوې وه؛ لومړۍ برخه د ودې او شمولیت او دویمه برخه د همغږۍ او روڼتیا پر موضوعاتو متمرکزه وه.

خبرپاڼه زیاتوي، د ناستې ګډونوالو د خصوصي سکتور د ملاتړ په برخه کې د خپلو همکاریو یادونه وکړه او دارنګه یې د دوامداره همکاریو پر ژمنتیا ټینګار وکړ.

د دغه وزارت د راپور له مخې؛ د سالنګ په تونل او شاوخوا برخو کې دامهال واوره ورېږي، خو یاده لاره د موټرو د تګ‌راتګ لپاره پرانیستې ده. د یاد وزارت په وینا؛ مساپر وړونکي موټر کولای شي له دواړو لورو تګ راتګ پرې وکړي، خو باروړونکو موټرو ته له ټېلرو پرته یوازې له شمال څخه سوېل لوري ته د تګ اجازه ورکړل شوې ده.

په همدې حال کې د بامیان ولایت په بېلابېلو سیمو کې د درنې واورې له امله د حاجیګک، قوناق، شاطو، بکک کوتلونو او د دهن سیاه درې – پل لارې تړل شوې دي. همداراز د یکاولنګ، دره‌صوف او پنجاب، اب قول کرمان لارې د تګ‌راتګ لپاره په لنډمهالي ډول تړل شوې دي.

ورته مهال په غور ولایت کې هم د سختو واورو له امله د بند بکک، بند بایند، بند غوک، بند بور، لعل او کرمان، بند شاتیغ، حوض بنګي او یوشمېر نورې لارې د تګ‌راتګ لپاره تړل شوې دي. سربېره پر دې د بدخشان ولایت د یاوان لاره هم د تګ‌راتګ لپاره په لنډمهالي ډول تړل شوې ده.

په کابل کې د خوړو نړۍوال پروګرام د سې‌شنبې په ورځ (د سلواغې ۲۱مه) پر اېکس پاڼه لیکلي، چې د دوی په مالي ملاتړ یو جوړ شوي کلینیک ته هره ورځ په خوارځواکۍ اخته ګڼې مېندې او ماشومان د درملنې لپاره ور وړل کېږي.

نوموړي سازمان له افغان ښځو او ماشومانو سره د خپلو مرستو اړوند لیکلي: «د اړتیاوو د زیاتېدو له امله د خوړو نړۍوال پروګرام خپلو ژوند ژغورونکو تغذیوي مرستو ته دوام ورکوي او له مېندو او ماشومانو سره مرسته کوي، هغه درملنه ترلاسه کړي چې ورته بېړنۍ اړتیا لري».

له بل پلوه د سره صلیب نړۍوالې کمېټې خبرداری ورکړی، چې مېلیونونه افغانان د خپلو لومړنیو اړتیاوو پوره کولو لپاره د خوړو، څښاک اوبو او روغتیایي خدمتونو په ګډون په بېړنیو بشري مرستو تکیه کوي.

د راپورونو له مخې؛ په دغه ناسته کې د دوه اړخیزو ګټو، د کډوالو د ټولنیزو او حقوقي ستونزو پر حل خبرې شوې دي. د طالبانو قونسل د ایران له یادې ادارې سره د کډوالو ستونزو کمولو لپاره ګډې هڅې مهمې بللې دي.

په مشهد کې د ایران د بهرنیو وګړو د چارو رییس جعفر سیدابادي ویلي، ایران د انساني، اسلامي او ټولنیزو مسوولیتونو پر بنسټ هڅه کوي چې د زیان‌منو کډوالو ملاتړ وکړي او د خیریه او ټولنیزو بنسټونو له لارې د خدمتونو د چارو بهیر اسانه کړي.

په غونډه کې د سرحدونو د ګډ مدیریت او د ناقانونه کډوالۍ د مخنیوي پر اهمیت ټینګار شوی. د ایران اړوند چارواکو د طالبانو له قونسل غوښتنه کړې، چې د سرحدي سرغړونو د کنټرول او د امنیتي بنسټونو د پیاوړتیا په چارو کې جدي اقدامات وکړي.