ډونالډ ټرمپ: له ایران سره هر ډول تړون کې باید د بالسټیک توغندیو موضوع هم شامله وي
د امریکا ولسمشر ډونالډ ټرمپ د اسراییل له «چینل ۱۲» ټلوېزیوني شبکې سره په مرکه کې ویلي، چې د ایران له حکومت سره هر ډول تړون باید یوازې په اټومي پروګرام پورې محدود نه وي، بلکې د ایران د بالسټیک توغندیو موضوع هم باید پهکې شامله شي.
ټرمپ د ایران د اټومي دوسیې په اړه وویل، چې دا موضوع «طبیعي او څرګنده» ده، او زیاته یې کړه: «موږ کولی شو له ایران سره یو ډېر ښه او قوي تړون ته ورسېږو».
