په لبنان کې د یوې ودانۍ د نړېدو له امله د مړو شمېر ۱۵ ته لوړ شو
د لبنان په طرابلس ښار کې د یکشنبې په ورځ «د سلواغې ۱۹مه» د یوې ودانۍ د نړېدو له امله لږترلږه ۱۵ کسان مړه شوي دي او ورسره د ژغورنې عملیات هم پای ته رسېدلي دي. د یادو عملیاتو پرمهال تر کنډوالو لاندې بندپاتې ۸ کسان ژغورل شوي دي.
د طرابلس ښاروال عبدالحمید کریمه په یوې خبري ناسته کې ویلي، چې د کنډوالو لاندې د بند پاتو کسانو شمېر لاهم روښانه نهدی. تر دې وړاندې لبناني رسنیو راپور ورکړی و، چې په نړېدلو ودانیو کې شاوخوا ۲۲ کسان اوسېدل.
