د کرېکټ شل اوریز نړۍوال جام؛ پاکستان د امریکا پر وړاندې تر بریا وروسته د نوملړ سر ته راغی

هغه د یکشنبې په ورځ د شل اوریز نړۍوال جام د پرانیستې لوبې څخه مخکې د هغې پوښتنې په ځواب کې چې ایا غواړي افغانستان د ښځو لوبډله سیالیو ته واستوي وویل: «هو، بلکل.»

خان دا هم وویل، چې د ښځو د لوبډلې لرل له هغو شرطونو او معیارونو څخه دي چې د کرېکټ نړۍواله شورا یې د افغانستان د بشپړ غړیتوب لپاره اړین ګڼي. هغه زیاته کړه: «د کرېکټ نړۍواله شورا او د افغانستان کرېکټ بورډ ښه پوهېږي، خو موږ لېواله یو هر څوک چې د افغانستان استازیتوب کوي؛ هغوی د لوبو په ډګر کې ووینو».

راشد خان ویلي، چې د ښځو کرېکټ به د افغانستان کرېکټ بورډ او د کرېکټ نړۍوالې شورا په پریکړې پورې اړه ولري. خان ټینګار وکړ، د یو لوبغاړي په توګه ډېر واک نه‌لري او یوازې هغو چارو ته فکر کوي چې «د کنټرول وړ» وي.

هغه وویل: «موږ په داسې وضعیت کې یو، چې رښتیا هم ډېر رول نه‌‌شو لوبولی. خو بیا هم هو، ملاتړ تل شته؛ خو په پای کې پرېکړه هغه کسان کوي، چې ډېر واک لري». د راشد خان څرګندونې د افغانستان د ښځو د کرېکټ ملي‌ لوبډلې لوبغاړې فیرزوه افغان چې دا مهال له خپلو فعالیتونو څخه پاتې ده، له سخت غبرګون سره مخ شوي دي.

مېرمن افغان پر انسټاګرام پاڼه په یوه یادښت کې ولیکل، چې د کرېکټ نړۍوالې شورا په ۲۰۱۷کال کې په قصدي ډول د ښځو د کرېکټ لوبډلې پرته افغانستان ته د بشپړ غړیتوب ورکولو سره خپل نړۍوال قوانین مات کړل.

هغې دغه پرېکړه د افغانستان د ښځو پر کرېکټ مستقیمه او ویجاړوونکې ضربه بللې او زیاته کړې یې ده: «وروسته د افغانستان کرېکټ بورډ له دې ناکامۍ ګټه واخیسته او داسې کیسه یې پیاوړې کړه، چې ګواکې یوازې د نارینه‌وو لوبډله د دغه لاسته راوړنو وړ ده او د ښځو د لوبډلې حضور اړین نه‌دی».

واک ته د طالبانو له بیا ستنېدو وروسته دغه ډلې د نورو محدودیتونو تر څنګ ښځې او نجونې له ورزش څخه هم منعه کړې دي او د ښځو ټولې ملي لوبډلې یې منحل کړې. تر دې مخکې راشد خان د افغانستان د ښځو او نجونو د زده‌‌کړې له حقه هم ملاتړ کړی و.

د افغانستان کرېکټ بورډ په ۲۰۲۰کال کې ۲۵ ښځینه لوبغاړې لرلې؛ خو د کابل له سقوط وروسته دغه لوبغاړې اوس په اسټرالیا، کاناډا او برېتانیا کې ژوند کوي. د افغانستان د ښځو د کرېکټ لوبډلې زیات غړي د کانبرا او ملبورن په ښارونو کې مېشت دي او د ځایي لوبډلو لپاره لوبې کوي.

که افغانستان لوبه وګټي، نو بل پړاو ته به د تګ چانس ولري؛ خو په دې لوبه کې ماتې به یې لوبډله له نړۍوال جام څخه ژر وتلو ته نږدې کړي. سوېلي افریقا چې د شل اوریزو نړۍوال جام په وروستي پړاو کې دویم مقام ترلاسه کړی و، د افغانستان لپاره یو پیاوړی سیال دی.

د شل اوریزو نړۍوالو لوبه د ډلبندۍ له مخې؛ سوېلي افریقا په پنځم ځای کې او افغانستان په لسم ځای کې دی. د سوېلي افریقا کرېکټ په ۱۸۸۹ کال کې جوړ شو او دغه هېواد له ۱۹۰۹کال راهیسې د کرېکټ نړۍوالې شورا دایمي غړی دی.

سوېلي افریقا تر اوسه پورې ۲۱۷ شل اوریزې نړۍوالې لوبې کړې، چې ۱۱۶ یې ګټلې او ۹۷ یې بایللې دي. له بل پلوه افغانستان له ۲۰۱۷کال راهیسې د کرېکټ نړۍوالې شورا دایمي غړی دی او تر اوسه پورې یې ۱۵۹ شل اوریزې نړۍوالې لوبې کړې دي، چې ۹۶ یې ګټلې او ۶۰ یې بایللې دي.
افغانستان تر اوسه پورې اووه ځله په شل اوریز نړۍوال جام کې برخه اخیستې او تر ټولو غوره لاسته راوړنه یې د ۲۰۲۴کال د نړۍوال جام نیمه پای لوبې ته رسېدل وو.
سږکال د شل اوریزو لوبو کرېکټ نړۍوال جام لسم پړاو د هند او سریلانکا په کوربه‌توب ترسره کېږي، چې شاوخوا شلو لوبډلو په‌کې برخه اخیستې ده. افغانستان د دغه سیالیو په څلورم ګروپ کې د نیوزېلنډ، سوېلي افریقا، متحده عربي اماراتو او کاناډا سره همډلی دی.

د افغانستان اتلتیک فدراسیون په تیانجین سیالیو کې د دغه لوبغاړي ریکارډ ماتونکی فعالیت تایید کړ. د فدراسیون په وینا؛ عبداللهی د چین په تیانجین کې د اتلتیک اسیا جام اتلولۍ سیالیو کې د لسو ګډون کوونکو لوبغاړو په منځ کې لسم مقام ترلاسه کړ.

دغه افغان ورزشکار ۳زره مټره واټن په ۹:۲۵.۷۱ وخت کې وواهه او په دغه سیالۍ کې یې د محمد کریم یاقوت پخوانی ریکارډ مات کړ. پخوانی ریکارډ د ۲۰۱۵کال (د فبرورۍ په ۱۲مه) د تهران په سیالۍ کې د ۹:۳۰.۱۵ دقیقو سره جوړ شو. په دې توګه عبداللهی وکولای شول، چې د افغانستان ملي ریکارډ شاوخوا پنځه ثانیې ښه کړي.
په دغه سیالیو کې عبداللهی د چین، پاکستان، جاپان، قرغزستان، ازبکستان، کمبوډیا او ایران له لوبغاړو سره سیالي وکړه، که څه هم دغه سیالي پرته له مډال ترلاسه کولو پای ته ورسېده؛ خو د افغانستان اتلتیک لپاره یوه تاریخي لاسته راوړنه وه.

100%

افغان لوبغاړو د لوبې په لومړۍ پړاو کې د ۶ لوبغاړو په اوټ کېدو سره ۱۸۲ منډې جوړې کړې او نیوزیلنډ ته یې د ۱۸۳ منډو هدف وټاکه.

په توپوهنه کې ګلبدین نایب د ۶۳ منډو په جوړولو مخکښ و، صدیق‌الله اتل ۲۹ او رحمن‌الله ګربز ۲۷ منډې وکړې.

د هدف د دفاع پر مهال افغان توپ‌اچوونکو د نیوزیلنډ پنځه لوبغاړي وسوځول، خو سیالې لوبډلې وکولای شول د پنځو ویکټو په توپیر ټاکل شوی هدف پوره کړي او بریا خپله کړي.

دا لوبه د هند په چینای ښار کې ترسره شوه.

افغان کرېکټ ملي لوبډله به د یادو سیالیو په لړ کې خپله دویمه لوبه د راتلونکې چهارشنبې په ورځ د سویلي افریقا پر وړاندې په احمداباد ښار کې ترسره کړي.

د افغانستان د ملي لوبډلې توپ‌وهونکی رحمان الله ګربز له هغه وروسته د پاکستان په سوپر لیک کې د نه ګډون پرېکړه کوي، چې په تولنیزو رسنیو کې د افغانانو له پراخ غبرګون سره مخ شو او افغانانو له هغه وغوښتل، چې د پاکستان په لیګ کې دې ګډون نه کوي، هغه ځکه چې د پکتیکا په ارګون ولسوالۍ کې پاکستان په هوايي بریدونو کې د کرکټ سیمه ییزې لوبډلې لوبغاړي په نښه کړل.

په دې غبرګون کې رحمان الله ګربز پاکستان ته په اشارې دوښمن هیواد یاد کړ او دا هوايي برید یې وغانده.

ددې پيښې وروسته افغانستان کرکټ بورډ خپلې رسمي لوبې له پاکستان سره لغوه کړې.

رحمان الله ګربز هغه وخت له افغانانو له توندو غبرګونونو سره مخ شو، چې د پېښور زلمي لوبډلې بنسټګر جاوېد اپریدی اعلان وکړ، چې افغان کرکټر رحمان‌الله ګربز به سږ کال د پاکستان سوپر لیګ (پي‌اېس‌اېل) په سیالیو کې د پېښور زلمي لوبډلې لپاره ولوبېږي.