د طالبانو اطلاعاتو او کلتور وزیر وايي زرګونه یتیمان په دارالایتامونو کې تر روزنې لاندې دي

یاد وزارت د سې شنبې په ورځ وویل چې د اطلاعاتو او کلتور وزارت د خپرونو چارو معینیت اړوند د لوحو او تبلیغاتي تابلوګانو د اصلاح کمېسیون د خپلو ساحوي فعالیتونو په دوام د کابل ښار دویمې ناحیې اړوند د لوحو او تبلیغاتي اعلاناتو څارنه کړې ده.

په دې ترڅ کې د طالبانو د کابل ښاروالۍ د فرهنګي چارو رییس قاري ولي‌ګل جواد وویل چې ټولې لوحې او تبلیغاتي تابلوګانې باید د اسلامي شریعت د احکامو او د طالبانو د ادارې له اصولو سره سمې وي.

هغه همدارنګه یادونه وکړه، چې باید له هغو انځورونو او غیرشرعي مطالبو ډډه وشي، چې د خلکو ذهنونه مغشوشوي او ملي ژبو، فرهنګي ارزښتونو او د لوحو منظم والي ته جدي پاملرنه وشي.

هغه ټینګار کړی چې د هغو لوحو له نصب څخه باید مخنیوی وشي، چې د ترافیکي لید یا د فرهنګي او تاریخي اثارو لید ته خنډ جوړوي.

د تاریخي اثارو پر لید د طالبانو د اطلاعاتو او فرهنګ وزارت ټینګار داسې مهال دی، چې تازه ددې ډلې د کندهار ښاروالۍ د احمدشاه بابا د پېر د خزانې مرکز نړولی دی.

طالبانو د دغه افسر د نیول کېدو د ردولو په موخه، د نوموړي د جبري اعتراف ویډیو خپره کړې او نوموړی په دې ویډیو کې د خپلې نیول کېدا رپوټونه ردوي.

له دې وړاندې سیمه ییزو سرچینو افغانستان انټرنشنل ته ویلي وو، چې ډګروال عبدالسلام د بادغیس ولایت په مرکز قلعه نو کې د طالبانو استخباراتو نیولی دی.

عبدالسلام د جمهوري حکومت پرمهال د ۲۰۷ ظفر قول اردو د درېیمې لوا د لومړي کنډک قوماندان و.

د سرچینو په وینا، د هغه زوی عبدالمتین هم د قلعه نو په بازار کې په داسې حال کې ونیول شو چې د خپل پلار په لټه کې وو.

د دوشنبې په ورځ، طالبانو په ټولنیزو رسنیو کې یوه ویډیو خپره کړه چې عبدالسلام پکې د خپل زوی تر څنګ ناست دی او د بندي کېدو راپورونه ردوي.

په ویډیو کې، هغه د طالبانو ستاینه کوي او وايي چې "په ټول افغانستان کې عدالت پلي شوی دی."

په وروستیو کلونو کې د طالبانو له خوا د افغان حکومت د پخوانیو سرتیرو او افسرانو نیول د بشري حقونو ډلو او د ملګرو ملتونو ادارو ترمنځ اندېښنې راپورته کړې دي او خبرداری یې ورکړی چې دا ډول نیونې، شکنجې، جبري ورکیدل او هدفي وژنې د طالبانو د ټولبښنې له ادعاوو سره په ټکر کې دي.

فلیپیني چارواکي وایي، دغه نشه يي توکي د «مرمرو» په بار کې پټ شوي وو او د مانیلا په نړیوال کانټینري بندر کې د پلټنو پرمهال موندل شوي دي.

د نیول شویو توکو ارزښت شاوخوا ۲۷۸ میلیونه فیلیپیني پیسې، یا څه باندې ۴۰۰ زره ډالره کیږي.

اړوندو ادارو ټینګار کړی چې د نشه يي توکو د قاچاق د مخنیوي لپاره به ګډ عملیات، استخباراتي همکاري او سرحدي څار نور هم پیاوړی کړي.

د پاکستان ددفاع وزیر خواجه محمد اصف په تازه څرګندونو کې ویلي چې په افغانستان کې هغه دوه جګړې چې پاکستان پکې ښکېل و، د دین یا اسلامي ارزښتونو لپاره نه وې، بلکې د نړیوالو ځواکونو او د پاکستان د دوو استبدادي حکومتونو د مشروعیت ترلاسه کولو لپاره وې.

هغه د پاکستان پارلمان ته په خبرو کې وویل، چې کله د شوروي اتحاد ځواکونه افغانستان ته راغلل، دا د کابل د حکومت په غوښتنه وو او هېڅ تجاوز نه و شوی. د هغه په وینا، دا نظریه چې دغه جګړه د جهاد په نوم وه، یوازې د امریکایانو روایت دی.

هغه ټینګار وکړ چې دواړې جګړې د اسلام یا دین د مینې له امله نه وې، بلکې د هغه وخت دیکتاتورانو جنرال ضیاء الحق او جنرال پرویز مشرف د یوه ستر ځواک تایید او مشروعیت ته اړتیا درلوده.

خواجه اصف زیاته کړه چې د دې جګړو په ترڅ کې د پاکستان ښوونیز نصاب، سیاسي او مذهبي کلتور تر ډېره بدل شو. هغه وویل چې د دې جګړې له امله د تعلیم دودیز نصاب بیا نه شو پلي کېدای او حتا په سیاسي او مذهبي اخلاقیاتو کې ډېر کوچني بدلونونه هم رامنځته شول.

هغه همدارنګه روښانه کړه چې د ۱۱ سپټمبر بریدونه له افغانستان څخه نه دي شوي او د هغو عاملین هم افغانان نه وو.

هغه ټینګار وکړ چې تر اوسه له دې تاریخ څخه عبرت نه دی اخیستل شوی او تروریزم او ناسم امنیتي وضعیت د همدې تېرو تېروتنو پایله ده.

نوموړي یادونه وکړه چې امریکا او نورو نړیوالو ځواکونو دوی د تشناب کاغذ په څېر وکارول او پرې یې ښودل.

هغه ټینګار وکړ چې د تېرو تېروتنو منل د ملي درملنې برخه ده او دا باید د سیاست نه، بلکې د ملي لیدلوري برخه وي.

خواجه اصف په پای کې وویل، «تر څو چې موږ خپلې تېروتنې ونه منو او له تاریخ سره رښتینی مخامخ نه شو، د تروریزم او بې‌ثباتۍ ستونزې به دوام لري. موږ باید له تېروتنو زده کړه وکړو او له خپلې ځمکې، تاریخ او ملي ارزښتونو سره بیا تړاو پیدا کړو».

هغه دغه راز وویل چې افغانستان وروستی هېواد و، چې پاکستان یې په رسمیت و پېژنده او دوه ځله یې پر پاکستان بریدونه وکړل، خو په دې اړه یې نور جزئیات ورنه کړل.

د کابل ښار ځینو اوسیدونکو نن سې شنبه، د سلواغې پر ۲۱مه وویل، چې په دې وروستیو دوو میاشتو کې برېښنا کمه شوې ده خو د برېښنا بېلونه دومره لوړ وي، چې دوی یې د پرې کولو توان نه لري.

د کابل اوسیدونکی سمیع الله نیوکه کوي، چې په کور کې څلور ګرپونه لري او یو ټلوېزیون سره په دې میاشت کې ۲ زره ۴۰۰ افغانۍ بېل پسې راغلی دی.

د کابل ځینې ښاریان وايي، چې په تېرو دوو میاشتو کې د ورښتونو له امله وارداتي برېښنا څو ورځې پرله پسې پرې شوې وه او ډېر وخت برېښنا یوازې د شپې له خوا ور پرېښودل کیږي، چې کمه مصرفیږي، خو پر دې سربېره د طالبانو برېښنا شرکت د برښنا لوړلګښتي بېلونه ور لیږلي دي.

دوی زیاتوي، چې په هیواد کې بې کاري او خراب اقتصاد سره بیا هم د افغانستان برېښنا شرکت بېلونه زیات لیکلي دي.

د کابل ښار یو تن اوسېدونکي افغانستان انټرنشنل ته وویل، « زیاتره وخت د افغانستان برېښنا شرکت د بودجې له کسر سره مخ وي او بیا په خپل سر بېلونه لیکي او که کوم کس یې چې تحویل نه کړي، په هغه پسې جریمه هم راځي او یا هم برېښنا پرې قطع کوي».

نه یوازې په کابل کې بلکې په ځینو نورو سترو ښارونو کې هم هېوادوال د برېښنا د زیاتو بېلونو له ور لېږدل کېدو شکایت لری.

د طالبانو تر واک لاندې د افغانستان برېښنا شرکت د خلکو دې نیوکو ته تر اوسه کوم غبرګون نه دی ښودلی.

افغانستان د پرېمانه اوبو او اوبیزو سرچېنو په لرلو سره لا هم خپله اړتیا وړ برېښنا د منځنۍ اسیا له هېوادونو پېري، چې ډېر ځله د دغو هېوادونو له‌خوا د ژمي په سړو ورځو شپو او د اوړي په ګرمۍ کې قطع کیږي.