اسراییل هیوم د لوېدیځو استخباراتي بنسټونو په حواله: ایران کې د معترضینو پټه وژنه دوام لري
اسراییل هیوم د موساد، برېتانیا او جرمني په ګډون د لوېدیځو استخباراتي بنسټونو د راپورونو پر بنسټ خبر ورکړی، چې په ایران کې د اعتراض کوونکو پټه وژنه لا هم دوام لري. دغه بنسټ زیاته کړې، چې حکومت په زرګونو نیول شوي معترضین په بندخونو کې په ډزو یا زندۍ کولو سره وژلي دي.
په دغه راپور کې راغلي، حکومت د دغو کسانو کورنیو ته ویلي چې نیول شوي کسان د اعتراضونو پر مهال وژل شوي دي.
د دغې ورځپاڼې د راپور پربنسټ، لوېدیځ هېوادونه لا هم په کوچنیو ښارونو او کلیوالي سیمو کې د اعتراضونو د ځپلو د دوام او دغه راز د پراخو نیونو په اړه راپورونه ترلاسه کوي.
