ایران وايي چې له امریکا سره د خپلو توغندیو پر سر معامله نه کوي

عزیزي په کابل کې د طالبانو له برېښنا شرکت سره د پنځو پروژو د تړونونونو د لاسلیکولو پرمهال وویل، چې د دوی تخنیکي ټیمونو اړوند تجهیزات او وسایل پېرلي او ټولې دستګاوې د پروژو د عملي کارونو لپاره چمتو دي.

عزیزي وویل، چې که د ټاپي پروژې ځینې مسایل اوار شي، نو په هرات کې به هم د ګازي برېښنا د تولید چارې پیل شي.

د عزیزي شرکت د چارواکو په وینا، د لمریزې برېښنا پروژې به په دوو کلونو کې بشپړې او ګټې اخیستنې ته وسپارل شي، خو د ډبرو سکرو پروژو بشپړېدل به درې کاله وخت ونیسي.

دواړې خواوې په دې باور دي، چې د دغو پروژو پلي کېدل به نه یوازې د افغانستان د برېښنا کمی پوره کړي، بلکې زرګونو کسانو ته به د کار زمینه هم برابره کړي.

د عزیزي ګروپ مشر میرویس عزیزي وویل، چې افغان سوداګر د کارخونو د جوړولو لپاره ۲۴ ساعته برېښنا ته اړتیا لري.

د عزیزي په وینا، تر څو چې افغانستان د برېښنا له اړخه پر ځان بسیا نه شي، صنعتي وده او اقتصادي ثبات محدود پاتې کیږي.

دغه تړونونه نن د سلواغې په ۲۲مه د طالبانو د ریاست‌الوزرا اقتصادي مرستیال ملا عبدالغني برادر په حضور کې لاسلیک شول.

د هوکړې له مخې، عزیزي خصوصي شرکت به په هېواد کې د ۸۴۵ مېګاواټه برېښنا د تولید لپاره په بېلابېلو ولایتونو کې نوې پروژې پلې کړي، چې ډېره برخه به یې د لمریزې یا سولر انرژۍ له لارې تولیدېږي.

د عزیزي خصوصي شرکت د پلان له مخې به د کابل ولایت د نغلو سیمه کې د زر مېګاواټه لمریزې برېښنا فابریکه جوړه شي

دغه راز د پروان ولایت په باریک‌اب کې د ۱۰۰ مېګاواټه لمریزې برېښنا، په غزني کې د ۱۳۰ مېګاواټه سولر برېښنا او په تخار کې ۱۶۵ مېګاواټه ډبرو سکرو برېښنا پروژې هم پکې شاملې دي.

په دغو پروژه کې یوه هم په بغلان ولایت کې د ۳۵۰ مېګاواټه په ظرفیت د ډبرو سکرو ستره برېښنایي پروژه هم شامله ده.

د یادو پروژو ټولټال لګښت شاوخوا ۴۶۳ میلیونه امریکايي ډالر اټکل شوی، چې عزیزي شرکت پرې پانګونه کوي.

په یاد راپور کې راغلي، چې القاعده، تحریک طالبان پاکستاناو د ختیځ ترکستان اسلامي غورځنګ د طالبانو تر واک لاندې سیمو کې دي. د راپور له مخې، د القاعدې ځینې لوړپوړي غړي لکه اسامه محمود او د هغه مرستیال یحیی غوري په کابل کې اوسیږي.

د ملګرو ملتونو د بندیزونود څارنې او ارزونې ټیم شپږ میاشتنی راپور چې امنیت شورا ته وړاندې شوی، ښيي چې القاعده لا هم د طالبانو ملاتړ لري او په افغانستان کې د جنګیالیو د روزنې او هغوی ته د سلا مشورې په برخه کې فعالیت کوي.

راپور څرګندوي چې د هند نیمه لویې وچې لپاره د القاعدې څانګه د افغانستان په جنوب ختیځ کې فعاله ده او ددې ډلې مشر اسامه محمود او مرستیال یحیی غوري په کابل کې حضور لري او رسنیز ټیم یې په هرات کې فعالیت کوي.

امریکا د اسامه محمودپه اړه د معلوماتو د ورکولو لپاره ۱۰ میلیونه ډالر جایزه ټاکلې او د یحیی غوري پر سر یې پنځه میلیونه ډالر ټاکلي دي.

په راپور کې راغلي چې تحریک طالبان پاکستان د طالبانو له لوري په افغانستان کې له زیاتې ازادۍ او ملاتړ نه برخمن دي او دغه چلند د تحریک طالبان پاکستان پر وړاندې د پاکستان بریدونه ډېر کړي دي.

راپور تاکید کوي چې د ختیځ ترکستان اسلامي غورځنګ غړي هم د طالبانو له لوري د هویت اسناد ترلاسه کړي او په افغانستان کې د تګ راتګ ازادي لري، او د بدخشان ولایت په کچه د تاریاکو د کرنې او د کانونو له لارې مالي تمویل ترلاسه کوي.

ملګرو ملتونو اعلان کړی چې د ختیځ ترکستان اسلامي غورځنګ شاوخوا ۲۵۰ غړي په ۲۰۲۵ کال کې د طالبانو له پولیسو سره یو ځای شوي دي.

په راپور کې د ملګرو ملتونو یوه غړي هېواد له قوله راغلي چې ختیځ ترکستان اسلامي غورځنګ خپلو غړو ته چې په سوریه او ګاونډیو هېوادونو کې دي، ویلي چې د « سنکیانگ جهاد» لپاره افغانستان ته انتقال شي.

راپور څرګندوي چې داعش خراسان د افغانستان په شمال په ځانګړي توګه په بدخشان او له پاکستان سره نږدې سیمو کې فعال دی.

هغه نن چهارشنبه (د سلواغې ۲۲مه) د یوې خبرپاڼې په خپرولو سره ویلي، دوی د فساد د له‌منځه وړلو لپاره کوټلي ګامونه پورته کړي او ادعا یې کړې چې دامهال په افغانستان کې د فساد کچه د پخوا پرتله ډېره ټیټه شوې ده.

په خبرپاڼه کې دارنګه راغلي، هغه بنسټونه چې په افغانستان کې استازولۍ نه‌لري د اټکلي قضاوتونو له مخې راپورونه ورکوي. د هغه په وینا؛ دغه بنسټونه دې افغانستان ته راشي او د دوی له ادارو څخه دې لیدنه وکړي، څو وګوري چې د اداري اسانتیاوو او روڼتیا لپاره څومره اغېزمنې کړنلارې جوړې شوې دي چې د فساد مخه ونیسي.

طالبان دغه څرګندونې داسې مهال کوي، چې د روڼتیا نړۍوال سازمان په خپل وروستي راپور کې افغانستان لاهم د فساد له پلوه د نړۍ تر ټولو کمو نمرو لرونکو هېوادونو له ډلې بللی دی. کارپوهان وایي، طالبان تر اوسه کوم ځانګړی او خپلواک مېکانېزم نه‌لري چې د فساد کچه په سمه او رڼه توګه وڅاري او وارزوي.

خواجه اصف د «اې‌.ار.ای» نیوز چینل سره په خبرو کې ویلي، چې له طالبانو سره تر یوې کچې اړیکې لاهم دوام لري. هغه ټینګار کړی، چې د افغانستان له خاورې د وسله‌والو ډلو فعالیت لاهم نه‌دی کم شوی.

خواجه اصف زیاته کړې: «که د ډیورنډ کرښې بل اړخ چارواکي لاهم اقدام ونه کړي؛ نو مسوولیت یې پر خپله غاړه دی». د هغه په ​​وینا؛ پاکستان لاهم خبرې اترې غواړي، خو داسې وضعیت نه‌شي زغملی چې تر خبرو اترو وروسته یې په خاوره کې بریدونه وشي.

د پاکستان دفاع وزیر وایي، طالب چارواکو دا منلې چې دوی د امنیتي مسلو په اړه لیکلي تضمینونه نه‌شي ورکولی او یوازې شفاهي تضمینونه ورکولی شي. پاکستان ادعا کوي، چې په پاکستان کې ټول کېدونکي بریدونه په افغانستان کې پلانېږي؛ خو دا هغه ادعاوې دي چې طالبانو په وار، وار رد کړې دي.
له بل پلوه د پاکستان د جمعیت علمای اسلام مشر مولانا فضل الرحمان د افغانستان په اړه د پاکستان پالیسیو ته خپل غبرګون د یوې پوښتنې په ډول مطرح کړی. هغه وایي، دا عجیبه نه‌ده چې د افغانستان یو انار پاکستان ته نه‌شي راتلای نو ترهګر څنګه راتلای شي؟