طالبان وایي د نورستان په شپږو ولسوالیو کې پر ۲۵ هکتاره ځمګه د غوزانو بڼونه جوړېږي
په نورستان کې د طالبانو د کرنې، اوبو لګولو او مالدارۍ ریاست وایي، چې د دغه ولایت په شپږو ولسوالیو کې پر ۲۵ هکتاره ځمکه د غوزانو بڼونه جوړېږي. د یاد ریاست په وینا؛ د دغه ولایت په کامدېش، وانټ وایګل، برګمټال نورګرام، دواب او مڼدول ولسوالیو کې د دغه بڼونو د جوړولو چارې پیل شوې دي.
نوموړي ریاست زیاته کړې، چې د غوزانو ونو د کېنولو اساسي موخه د ځنګلونو بیارغونه، د اقلیمي بدلونونو پر وړاندې مثبت اغېز او ولسونو ته د کاري فرصتونو برابرول دي.
