د اروپا پارلمان په ایران کې د معترضانو د سیستماتیک ځپلو په اړه غونډه وکړه
د اروپا پارلمان د ایران د حکومت له لوري د "سیستماتیک ځپلو، غېرانساني شرایطو او خپلسرو نیونو" په اړه ځانګړې ناسته وکړه.
په دې غونډه کې د پارلمان استازو د اعتراضونو د ځپلو پر زیاتېدو، پراخو نیونو او د ایران په بندخونو کې د نامناسبو شرایطو په اړه د خپرو شویو راپورونو پر بنسټ بحث او خبرې اترې وکړې.
دا په داسې حال کې ده، چې تر دې وړاندې اسراییل هیوم ورځپاڼې د موساد، برېتانیا او جرمني په ګډون د لوېدیځو استخباراتي بنسټونو د راپورونو پر بنسټ خبر ورکړ، چې په ایران کې د اعتراض کوونکو پټه وژنه لا هم دوام لري.
دغه بنسټ زیاته کړې، چې حکومت په زرګونو نیول شوي معترضین په بندخونو کې په ډزو یا زندۍ کولو سره وژلي دي، خو د ایران قضایه قوې دغه راپورونه رد کړل.
