د خېبرپښتونخوا د دېره اسماعیل خان ښار په څنډه کې وسلهوالو د یوه برید په ترڅ کې پنځه پولیس وژلي دي. د پولیسو په وینا؛ پېښه د چهارشنبې په ورځ هغه مهال شوې، چې پولیس د وسلهوالو پرضد د عملیاتو تر بشپړېدو وروسته د ستنېدو په حال کې وو.
د پولیسو لهخوا په خپره شوې خبرپاڼه کې راغلي، چې بریدګر په یوه ځنګل کې پټ وو او د پولیسو پر موټرو یې ناڅاپه ډزې وکړې او امنیتي ځواکونو بیا په ځوابي برید کې څلور وسلهوال هم وژلي دي.
تر اوسه کومې ډلې د دغه برید مسوولیت نهدی منلی. دېره اسماعیل خان د وزیرستان له ناکراره سیمې سره نږدې موقعیت لري، دغه سیمه له اوږدې مودې راهیسې د پاکستاني طالبانو د تحریک (ټيټيپي) او نورو وسلهوالو ډلو مرکز بلل کېږي.
په پاکستان کې د تاوتریخوالي پېښې وروسته له هغې زیاتې شوې، چې تحریک طالبان پاکستان د ۲۰۲۲کال په وروستیو کې له اسلاماباد سره اوربند پای ته ورساوه. تېره اوونۍ هم په اسلاماباد کې د یوه جومات دننه ځانمرګي برید وشو، چې له ۳۰ ډېر کسان پهکې ووژل شول.
