په باجوړ کې د سختو ورښتونو له کبله د یوه کور چت پرېوتو پېښه کې درې کسان مړه شوي دي
د خېبر پښتونخوا د باجوړ ولسوالۍ په ماموندو کې د یوه کور د خونې چت پرېوتو له امله یوه ښځه او دوه ماشومانې مړې شوې او یوه بله ښځه ټپي شوې ده. ځايي اوسېدونکي وایي، د وروستیو سختو بارانونو له کبله د دغه خټین کور چت راپرېوتی دی.
ځايي خلکو ویلي، په مړو شویو کسانو کې د دغه کور د څښتن مور او د هغه دوه کم عمره لوڼې شاملې دي؛ خو د نوموړي مېرمن په سخت ټپي حالت کې د ښار مرکزي روغتون ته لېږدول شوې ده.
