طالبان وایي ۴۴ کسان یې د نشهیي توکو د قاچاق او پلور په تور نیولي
د طالبانو کورنیو چارو وزارت وایي، چې امنیتي ځواکونو یې د هېواد په بېلابېلو ولایتونو کې یې په جلا جلا عملیاتو کې ۴۴ کسان د نشهیي توکو د قاچاق او پلور په تور نیولي دي.
د طالبانو کورنیو چارو وزارت وایي، چې امنیتي ځواکونو یې د هېواد په بېلابېلو ولایتونو کې یې په جلا جلا عملیاتو کې ۴۴ کسان د نشهیي توکو د قاچاق او پلور په تور نیولي دي.
ددغه وزارت له خوا په خپره شوې خبرپاڼه کې چې نن پنجشنبه د سلواغې ۲۳مه خپره شوې، راغلي چې د دغه وزارت د نشهیي توکو پر وړاندې د مبارزې ځواکونو یاد ۴۴ کسان د فراه، پروان، نیمروز، هلمند، جوزجان، پکتیا، بلخ، غزني، لغمان، کندز، کاپیسا او خوست ولایتونو کې نیولي دي.
خبرپاڼه زیاتوي چې له نیول شویو کسانو څخه ۱۶ کیلوګرامه تریاک، ۶ کیلوګرامه چرس، له ۹ کیلوګرامو څخه زیاته شیشه، ۲۱۷۱ د نشهیي ټابلیټونو ګولۍ او نور اړوند مواد هم ترلاسه شوي دي.
