افغان سوکوهوونکي په روسیه کې له خپلو سیالانو سره مخ کېږي
د افغانستان دوه سوکوهوونکي میلاد عزیزي او سبحانالله بابکرخېل سبا (جمعه د سلواغې ۲۴مه) د ارپياېف سازمان په چوکاټ کې په مسکو ښار کې له خپل تانزانیايي او روسي سیالانو سره مخ کېږي.
د افغانستان دوه سوکوهوونکي میلاد عزیزي او سبحانالله بابکرخېل سبا (جمعه د سلواغې ۲۴مه) د ارپياېف سازمان په چوکاټ کې په مسکو ښار کې له خپل تانزانیايي او روسي سیالانو سره مخ کېږي.
میلاد عزیزي تر دې مخکې په ازادو مبارزو کې ۵ بریاوې ترلاسه کړي او په سوکوهنې برخه کې ۴ بریاوې یې خپلې کړې دي. هغه به په سبانۍ سیالۍ کې له تانزانیا څخه د باراکا مازورا پر وړاندې د سیالۍ ډګر ته ښکته شي. مازورا تر اوسه په ۱۲ حرفهيي سیالیو کې ۸ یې ګټلي او ۴ یې بایللې دي. دغه سیالۍ به په شپږو ۳ دقیقهيي پړاوونو کې ترسره شي.
بل افغان سوکوهونکی سبحانالله بابکرخېل چې له ماتې پرته ۳ حرفهيي سیالۍ ګټلي له خپل روسي سیال اسدبېک خودویک سره خپل بخت وازمويي. د بابکرخېل سیال هم تر اوسه په خپلو حرفهيي سیالیو کې دوه لوبې ګټلي دي.
د افغان او روسي سوکوهوونکو دغه سیالۍ به په څلورو ۳ دقیقهيي پړاوونو کې ترسره شي.
اغلې محمدي چې تر دې وړاندې یې د تکواندو په برخه کې د روزونکې په توګه هم فعالیت کړی، له لسو کلونو راهیسې په مسلکي ډول د تکواندو او کېکبوکسېنګ په څانګو کې کار کوي. هغه دا مهال د جرمني په هامبورګ ښار کې مېشته ده او هلته کډوالو ښځو ته د رزمي لوبو روزنه ورکوي.
د کېکبوکسېنګ نړۍوال سازمان یا «واکو» (WAKO - The World Association of Kickboxing Organizations) د یادو لوبو یوازینی رسمي او نړۍوال بنسټ بلل کېږي او په مسلکي لاره کې د دې برخې د روزونکو لپاره د دغه سازمان د روزنې سند ترلاسه کول له تر ټولو بااعتباره ګامونو څخه ګڼل کېږي.
د امنه سادات محمدي لهخوا د دغه نړۍوال سند ترلاسه کول نه یوازې یوه فردي لاسته راوړنه ده؛ بلکې په نړۍواله کچه د رزمي لوبو په ډګر کې د افغان ښځو د حضور او ونډې لپاره هم یو ارزښتناکه پرمختګ بلل کېږي.
دغه سیالۍ چې څو ورځې وړاندې پای ته ورسېدې، د ۱۶۶ ګولونو په وهلو سره یې د دغه ټورنمنټ په تاریخ کې تر ټولو ډېر ګولونه ثبت کړي دي. په پای کې د ایران لوبډلې خپله ۱۴مه اتلولي خپله کړه.
په ټاکل شویو ګولونو کې د سیالیو تر ټولو چټک ګول هم شامل دی. هغه مهال چې دین کونګ وېن د لبنان او ویتنام ترمنځ لوبه کې د سیالۍ له پیل یوازې ۱۹ ثانیې وروسته یې د سیالې لوبډلې دروازه خلاصه کړه.
د کویټ پر وړاندې د ټایلنډ د محمد عثمانموسی ګول هم د غوره ګولونو په ډله کې راغلی دی. همدارنګه د افغانستان رضا حسینپور د چټکې تېښتې او ښکلې «چیپ ضربې» پر مټ وهل شوی ګول د ټورنمنټ یو له یادګاري ګولونو په توګه ثبت شوی.
په پای کې د ایران پر وړاندې په نیمهپایلوبه کې د عراق د سالم کاظم ګول او د اندونیزیا اسرا مگانتارا ګول د ۲۰۲۶ اسیا جام فوتسال د اتو غوره ګولونو نوملړ کې راغلي دي.
د اسیا د فوټبال کنفدراسیون له مینهوالو غوښتي، چې د «AFC» رسمي وېبپاڼې له لارې د خپلې خوښې ګول ته رایه ورکړي.
