د طالبانو د پېښو سره د مبارزې چمتوالي اداره وایي چې د ماین پاکۍ موسسې ( ایم سي پي ای) سره په همغږۍ یې د کندز په خاناباد ولسوالۍ کې او د دغه ولايت د مرکز په اړوندو سيمو کې ناچاوده توکي کشف او په خوندي توګه یې خنثی او له منځه وړي دي.
یادې ادارې، نن د شنبې په ورځ د یوې خبرپاڼې په خپرولو سره ویلي چې په دې عملیاتو کې ۲۰د هاوان مرمۍ، ۱۵د راکټ مرمۍ، ۷د توپ مرمۍ، ۸لاسي بمونه، يوه ۲۵کيلوګرامه ماين او ۳د پرسونل ضد ماينونه کشف او له منځه يووړل شول.
د دغه ادارې مسوولين وايي ياد ناچاوده توکي د تېرې جګړې پاتې شوني وو او تل يې د ولسي وګړو، په ځانګړې توګه د ماشومانو، د ژوند لپاره جدي ګواښ بلل کېده.
