د طالبانو د غزني امینه قومنداني وایي، چې د کابل–کندهار پرلویه لارد یوه باروړونکي موټر او مسافروړونکي موټر ترمنځ د ټکر له امله لږ تر لږه پنځه تنه، چې دوه ښځې او یو ماشوم هم په کې شامل دي، مړه شوي او یو بل ماشوم ټپي دی.
په خپره شوې خبرپاڼه کې راغلي، چې دغه پېښه نن (شنبه) د قرهباغ ولسوالۍ اړوند سیمې عليچمبر کې رامنځته شوې او ټپي شوی ماشوم د پېښې د قربانیانو له جسدونو سره یوځای د غزني ملکي روغتون ته لېږدول شوی دی.
د لومړنیو معلوماتو له مخې، د دې ټرافیکي پېښې اصلي لامل د موټرچلوونکو بېاحتیاطي ښودل شوې ده.
د یادونې وړ ده چې د افغانستان پر لویو لارو ټرافیکي پېښې ډېری وخت د چټک تګ، بېاحتیاطۍ او د ترافیکي اصولو د نه مراعات له امله رامنځته کېږي، چې هر کال ګڼ شمېر کسانو ته مرګژوبله اړوي.
