د طالبانو سوداګرۍ وزارت په روژه کي د لومړنيو توکو بیې کنټرولوي
د طالبانو د صنعت او سوداګرۍ وزیر نورالدین عزیزی په بازارونو کي د روژې په میاشت کي د لومړنیو توکو د بیو د کنټرول او د اړینو اجناسو د وضعیت د ارزوني په موخه د افغانستان د کسبګرو او دوکاندارانو د خوني له مشرتابه او د اصنافو له مسؤلینو سره ناسته کړې ده.
د طالبانو صنعت او سوداګرۍ وزارت نن شنبه، د سلواغې پر ۲۵مه پر اېکس خواله رسنۍ د یوې خبرپاڼې په خپرولو سره د کسبګرو او دوکاندارانو د خوني د رهبري پلاوي مشر شیریناغا سخي په حواله لیکلي، چې بازارونو کې د اړتیا وړ توکي په کافي اندازه شته او د روژې په میاشت کې به د بیو د لوړېدو مخه ونیول شي.
د هېوادوالو نیوکې دا دي، چې د روژې په رارسیدلو سره په بازارونو کې د خوراکي توکو بیې لوړیږي.
