د پاکستان په کراچۍ ښار کې د طالبانو جنرال قونسل ویلي چې نن د پاکستان د سند ایالت له یوه زندان څخه ۲۰۹ افغان بندیان، چې ښځې او ماشومان هم پکې شامل و، خوشې کړل شوي او بېرته افغانستان ته ستانه شوي دي.
عبدالجبار تخاري د شنبې په ورځ وویل چې دغه بندیان د بېلابېلو جرمونو له امله په پاکستان کې بنديان وو، خو د د طالبانو په همکارۍ دا کسان خلاص شول او خپلو کورونو ته د بېرته ستنیدو اجازه ورکړل شوه.نوموړي همدارنګه وویل چې ۱۰۵ نور افغان بندیان لا هم په همدې زندان کې پاتې دي، او ټاکل شوې ده چې د راتلونکو دوو ورځو په ترڅ کې دوی هم هېواد ته ولیږدول شي.
