طالبان وایي په کابل او تخار کې یې څلور کسان د جادوګرۍ په تور نیولي

دغه وزارت په خپره کړې خبرپاڼه کې ویلي چې د یکشنبې او دوشنبې په ورځو، د سلواغې په ۲۶او ۲۷مه، د هریرود، مرغاب او هلمند سیندیزو حوزو او ځینو سېلاب‌ځپلو سیمو کې د درنو ورښتونو او د ناڅاپي سېلابونو امکان اټکل شوی دی.

د خبرپاڼې له مخې، په راتلونکو دوو ورځو کې په هرات، غور، بادغیس، فراه، نیمروز، هلمند، کندهار، ارزګان، زابل، پکتیکا، خوست او پکتیا ولایتونو کې د سېلابونو د راوتلو او د سیندونو د اوبو د کچې د لوړېدو ګواښ شته.

طالب چارواکو له اوسېدونکو، په ځانګړي ډول له هغو کسانو چې د سیندونو پر غاړو او سېلاب‌ځپلو سیمو کې ژوند کوي، غوښتي چې احتیاطي تدابیر ونیسي او له ګواښمنو سیمو ځانونه لرې وساتي.

دا خبرداری په داسې مهال ورکول کېږي چې په وروستیو اوونیو کې درنو ورښتونو او واورو په یو شمېر ولایتونو کې درانه مالي زیانونه اړولي او مرګ‌ژوبله یې هم رامنځته کړې ده. د راپورونو له مخې، د سلواغې میاشتې په لومړیو ورځو کې د سختو ورښتونو له امله لږ تر لږه ۶۱کسان مړه او ۱۱۰نور ټپیان شوي وو.

د طالبانو د ننګرهار ولایت مقام رسنیز دفتر نن شنبه، د سلواغې پر ۲۵مه پر اېکس خواله رسنۍ کې لیکلي، چې د ننګرهار مرستيال والي غلام الرحمن حیدري په مشرۍ د کانونو ساتنې کمېټې ناسته تر سره شوه، چې پر مهال يې په دې ولایت کې په غير قانوني ډول د کانونو کېندنو مخنيوي په موخه لازمې پرېکړې وشوې.

نوموړي دغه راز قراردادي شرکتونو له لوري د ټولنيزو خدمتونو د ارزونې او د هوکړه ليک له مخې د يادو خدمتونو په شفاف ډول تر سره کولو هم سپارښتنې شريکې کړي دي.

د طالبانو بیاځلي واک ته رسېدو سره دا ډله تل ادعا کوي، چې په هیواد کې د کانونو غیرقانوني کیندنو مخه نیول شوې ده خو راپورونه وايي، چې اوس هم په یو شمیر سیمو کې د کانونو غیرقاني کیندنې روانې دي.

د افغانستان کانونه د اټکل له مخې درې ټریلیونه ډالر ارزښت لري.

له وړاندې د طالبانو د کانونو او پټرولیم وزارت ویلي، چې تېرو نږدې څلورو کلونو کې د کانونو د قانوني استخراج په موخه له کورنیو او بهرنیو شرکتونو سره د ۲۰۰ کوچنیو او لویو کانونو قراردادونه لاسلیک کړي دي.

د یاد وزارت له لوري په خپره شوې خبرپاڼه کې راغلي چې د روژې په مبارکه میاشت کې به کار هره ورځ د سهار په ۹:۰۰ بجو پیل او د ماسپښین په ۲:۰۰ بجو پای ته رسېږي. دغه مهال وېش د پنجشنبې ورځې په ګډون عملي کېږي او د ماسپښین د لمانځه وقفه به هم پکې شامله وي.

همداراز په خبرتیا کې ویل شوي چې تولیدي، نشراتي، روغتیايي او تعلیمي ادارې کولای شي د خپلو کاري او اقلیمي شرایطو په پام کې نیولو سره د خپلو کارکوونکو لپاره د کار د پیل او پای ځانګړی مهال وېش تنظیم کړي.

د دغه وزارت به وینا دا پرېکړه د روژې مبارکې میاشتې د ځانګړو شرایطو په نظر کې نیولو سره شوې ده.

یاد دفتر د شنبې په ورځ د سلواغې ۲۵مه، د یوې خبرپاڼې په خپرولو سره ویلي چې د پروژې د پیل رسمي راپور د ګلبهار حبیبي شرکت مسوولینو له لوري د یاد ولایت طالب والي مولانا اسلام جار سره په کتنه کې وړاندې شو. په دې لیدنه کې د پروژې د پرمختګ، تخنیکي چارو او راتلونکو پلانونو په اړه معلومات شریک شول.

طالب چارواکو ویلي، یاده فابریکه به هره ورځ شاوخوا درې زره ټنه سمنټ تولید کړي او د هېواد نږدې ۶۰سلنه کورنۍ اړتیا به پوره کړي، چې له امله به یې د وارداتو کچه راکمه او په کور دننه تولیدات پیاوړي شي.

همداراز تمه ده چې د دې فابریکې په جوړېدو او فعالیت سره به زرګونو کسانو ته د کار زمینه برابره شي، چې دا کار به د یاد ولایت پر اقتصادي ودې او د بېکارۍ پر کمېدو مثبت اغېز ولري.

د هرات ولایت طالب مسوولین وایي، د صنعتي پروژو ملاتړ ته ژمن دي او هڅه کوي چې په ولایت کې د پانګونې لپاره لا زیات فرصتونه برابر کړي.

د یادې محکمې له‌خوا د جمعې په ورځ د سلواغې ۲۴مه، په خپره شوې خبرپاڼه کې راغلي چې دغه سزاوې د شنبې، یکشنبې، دوشنبې، سې شنبې، چارشنبې او پنجشنبې په ورځو کې د هېواد په څو ولایتونو کې تطبیق شوې دي.

د خبرپاڼې له مخې،د شنبې په ورځ ۸ کسان زابل کې، د یکشنبې په ورځ بیا یو کس په زابل کې، د دوشنبې په ورځ ۴ کسان لغمان او ۳ کسان کاپیسا کې، د سې شنبې په ورځ ۲ کسان لغمان او یو کس زابل کې، د چهارشنبې په ورځ ۱۴ کسان په کابل کې او د پنجشنبې په ورځ یوکس په لغمان کې په بدني سزاوو محکوم شوي دي.

د طالبانو ستره محکمه وایي، چې یاد کسان په غلاوو او هغه څه چې دوی یې «اخلاقي فساد» بولي، تورن وو.

طالبان په داسې حال کې بدني سزاوې عملي کوي، چې د بشري حقونو نړیوال بنسټونه او د ملګرو ملتونو ادارې دا ډول سزاوې د نړیوالو بشري حقونو له اصولو سره په ټکر کې بولي او له طالبانو یې د بندولو غوښتنه کړې ده. خو طالبانو تر اوسه د دغو نیوکو پر وړاندې خپل دریځ نه دی بدل کړی او ټینګار کوي چې دا سزاوې د هغوی د قضايي نظام برخه ده.

بلخوا د طالبانو د نوې جزایي اصولنامې له مخې د جرم ترسره کول، د مجازاتو ډول او شدت د افرادو د ټولنیز مقام پر اساس ټاکل شوي دي.که یو جرم د دیني عالم له خوا ترسره شي، یوازې سپارښتنه کېږي، د اشراف لپاره بلنه او سپارښتنه، د منځنۍ طبقې لپاره زندان او د ټېټې طبقې لپاره علاوه پر زندان، بدني سزا ورکول کېږي.