د پاکستان د بشري حقونو شورا په کراچۍ کې د جماعت اسلامي پر لاریونوالو تاوتریخوالی غندلی
د پاکستان د بشري حقونو شورا په کراچۍ کې د جماعت اسلامي ګوند د پلویانو پر سولهييز لاریون د پولیسو برید او تاوتریخوالی په کلکه غندلی او دا ډول کړنې یې د ډېموکراسۍ پروړاندې تور داغ بللی دی.
د پاکستان د بشري حقونو شورا په کراچۍ ښار کې د پولیسو لهخوا د جماعت اسلامي د پلویانو د لاریون پرمهال د اوښکې بهوونکي ګازو شېندل او تاوتریخوالی د ډېموکراتیکو ارزښتونو خلاف عمل بللی دی.
یادې شورا د پولیسو یاد عمل په سختو ټکو غندلی او وايي، دولتي ادارې باید د سولهییزو لاریونونو پروړاندې دغه ډول عمل ترسره نهکړي.
د پاکستان د بشري حقونو شورا له حکومت څخه غوښتنه کړې، چې د نننۍ پیښې بې پرې او رڼې پلټنې دې وشي او په راتلونکي کې د دې ډول پېښو مخه په کلکه ونیول شي.
دا په داسې حال کې ده، چې د جماعت اسلامي ګوند سلګونو پلویانو نن په کراچۍ ښار کې د سیاسي بېعدالتۍ او ایالتي حکومت د فشار پروړاندې لاریون وکړ، خو پولیسو د یاد لاریون د مخنیوي لپاره له ځواک څخه کار اخیستی او ګڼ لاریونوال یې ډبولي او پر وړاندې یې اوښکې بهوونکی ګاز کارولی دی.
