د پاکستان فدرالي حکومت پرېکړه کړې چې عمران خان له زندان څخه روغتون ته ولېږدوي

سراج‌الدین حقاني د شنبې په ورځ (د سلواغې ۲۵مه) په کابل کې د پولیسو د بنسټیز مسلکي کورس د شپږمې دورې په فراغت غونډه کې وویل، هغه افسران چې د اسلامي عقیدې او مسلکي روزنې په روحیه سمبال وي، کولی شي ولس ته ارزښتمن خدمتونه وړاندې کړي.

نوموړي د امنیت ټینګښت، د جرمونو د مخنیوي او د نظام د پیاوړتیا په برخو کې د پولیسو رول مهم وباله او ویې ویل، چې د پولیسو مسلکي کېدل د ټول هېواد د ثبات لپاره بنسټیز ارزښت لري.

هغه د هېواد امنیت او ثبات د سیمې او نړۍ لپاره مهم وباله او زیاته یې کړه، چې نړۍوال او ګاونډي هېوادونه باید له دې بهیر څخه ملاتړ او د دوام په برخه کې یې همکاري وکړي.

سراج‌الدین حقاني زیاته کړه: «موږ په تکرار دا خبره کړې چې د افغانستان امن د سیمې او نړۍ امن دی او نا امني یې د سیمې او ټولې نړۍ نا امني ده. باید زموږ ګاونډیان، سیمه او نړۍوال د افغانستان دغه اهمیت ته په کتو داسې تګلاره او پالیسي غوره کړي، چې په افغانستان کې له شته امن او ثبات سره مرسته وکړي».

حقاني د افغانستان «ثبات» د ټولې سیمې او نړۍ لپاره یو ښه فرصت یاد کړ.

هغه همداراز ادعا وکړه، چې دمګړی په افغانستان کې د اختطاف یوه پېښه هم نه‌شته، د نشه‌يي توکو کرکېله صفر ته رسېدلې او په هېواد کې سراسري امنیت ټینګ شوی دی.

سراج‌الدین حقاني همداراز وویل: «د همدې مسلکي پولیسو پر مټ په ټول افغانستان کې د اختطاف یوه پېښه هم نه‌لرو، د دې ترڅنګ په هېواد کې د نشه‌يي توکو کښت صفر ته رسېدلی او هېواد کې سراسري امنیت ټينګ شوی دی».

د امنیت په تړاو د نوموړي دغه ادعاوې په داسې حال کې دي، چې همدا پرون ماښام د ازادۍ جبهې غړو د بدخشان په بهارک ولسوالۍ کې دوه طالبان وژلي او یو بل یې ټپي کړی دی.

ورته مهال، پر افغانستان د طالبانو له واکمنېدو وروسته د هېواد ګڼ شمېر پانګه‌وال او سوداګر د سړي تښتونې پېښو د زیاتېدو له امله د هېواد پرېښودو ته اړ شوي دي.

د یادونې وړ ده، چې د پولیسو بنسټیز مسلکي کورس له شپږمې دورې د کابل په ګډون له یو شمېر ولایتونو څخه ۳۴۰ افسران له دوه میاشتنیو زده‌کړو وروسته فارغ شول.

په هرات کې د طالبانو د والي رسنیز دفتر د یوې خبرپاڼې په خپرولو سره ویلي، چې په هرات کې د طالبانو د والي مولانا اسلام‌جار په مشرۍ د بادغیس، غور، هرات، فراه او نیمروز ولایتونو والیانو، امینه قوماندانانو، د استخباراتو رییسانو، د نظامي محکمو مسولینو او د لواوو رییسانو نن د شنبې په ورځ په هرات کې د همغږغۍ ناسته کړې او د لوېدیځ زون د ولایتونو عمومي امنیتي، پراختیايي، اقتصادي او ټولنیز وضعیت، د راستېدونکو کډوالو د اولادونو لپاره د دیني مدرسو جوړولو، د قاچاق د مخنیوي، د نشه‌يي توکو د کر او تولید د مخنیوي او د کډو ننګونو د حل په اړه خبرې کړې دي.

د هرات والي د یادې ناستې پرمهال د لوېدیځ زون د ولایتونو ترمنځ د سیمه‌ييزو او امیتي مسوولینو ترمنځ پر همغږۍ ټینګار کړی او وايي، چې ټول مسوولین باید د یادې ډلې د مشر هبت‌الله د فرمانونو د پلي کېدو په موخه بشپړه همکاري وکړي.

خبرپاڼه زیاتوي، چې د فراه، نیمروز، غور او بادغیس والیانو او نورو طالب چارواکو د امنیت د ټینګښت، د جرمونو د مخنیوي، د قاچاق پروړاندې د مبارزې او د راستنېدونکو کډوالو د اولادونو لپاره د مدرسو جوړولو په برخه کې پر ګډې همکارۍ ټینګار کړی دی.

مجاهد د طالبانو په ولکه کې ملي تلویزیون سره په خبرو کې وویل، که څوک پر دې اصولنامې نیوکه لري، کولای شي خپل نظر وړاندې کړي؛ خو په وینا یې، نیوکه کوونکی باید شریعت مطالعه کړي او موضوعات د «عقل» پر بنسټ وارزوي. هغه ټینګار وکړ چې طالبان به د ده په وینا د «بې‌اساسه نیوکو» په اړه اوږدو بحثونو ته داخل نه شي.

د طالبانو جزایي اصولنامه، چې تېره میاشت خپره شوه، د دغې ډلې مشر هبت‌الله اخندزاده توشیح کړې ده. ویل کېږي چې دا سند ۱۰فصلونه او ۱۱۹مادې لري.

د راپورونو له مخې، په دې اصولنامه کې د مخالفانو وژل توجیه شوې، غلامي په رسمیت پېژندل شوې او یوازې د حنفي مذهب پیروان مسلمانان بلل شوي، په داسې حال کې چې د نورو مذهبونو پیروان «بدعت‌ګر» معرفي شوي دي.

تر دې وړاندې د طالبانو د عدلیې وزارت پر دې اصولنامې نیوکه «جرم» بللې وه.

بشري حقونو بنسټونه وایي، دغه اصولنامه له نړیوالو بشري معیارونو، بنسټیزو ازادیو او د عادلانه محاکمې له اصولو سره په ټکر کې ده او ښايي د خپل‌سرو نیونو او د بیان د ازادۍ د محدودېدو لامل شي.

خو مجاهد وایي چې طالبان له پیله تر اوسه د همدې اصولو پر بنسټ حکومت کړی او له ټاکلي چوکاټه نه دي اوښتي.

منتقدان بیا باور لري چې دا سند ښايي د مخالفانو د ځپلو زمینه لا پیاوړې کړي او د زندان او دورې په څېر وسایلو له لارې پر نیوکه کوونکو فشار زیات کړي.

فضل مظلوم د ملا محمد عمر په مشرۍ د طالبانو د واکمنۍ په لومړۍ دوره کې د لوړ پوړو پوځي قوماندانانو څخه و.

هغه په ​​دې موده کې د شمالي افغانستان په جګړو کې برخه اخیستې وه او د مزار شریف د جګړې په جریان کې د ملکي وګړو په وژلو تورن و.

د ۲۰۰۱ کال په نومبر کې د طالبانو له سقوط وروسته، فضل مظلوم د عبدالرشید دوستم په مشرۍ د شمالي ځواکونو لخوا ونیول شو.

100%

هغه تر ۲۰۱۴ کال پورې په ګوانتانامو کې بندي و، کله چې هغه د امریکایي بندیانو په بدل کې خوشې شو او قطر ته ولېږدول شو.

ملا محمد فاضل مظلوم د افغانستان د جنوب د ارزګان ولایت اصلي اوسېدونکی دی. هغه خپلې لومړنۍ دیني زده کړې په پاکستان کې ترلاسه کړي خو هیڅ اکاډمیک سند نلري.

په خپره شوې خبرپاڼه کې راغلي، چې دغه پېښه نن (شنبه) د قره‌باغ ولسوالۍ اړوند سیمې علي‌چمبر کې رامنځته شوې او ټپي شوی ماشوم د پېښې د قربانیانو له جسدونو سره یوځای د غزني ملکي روغتون ته لېږدول شوی دی.

د لومړنیو معلوماتو له مخې، د دې ټرافیکي پېښې اصلي لامل د موټرچلوونکو بې‌احتیاطي ښودل شوې ده.

د یادونې وړ ده چې د افغانستان پر لویو لارو ټرافیکي پېښې ډېری وخت د چټک تګ، بې‌احتیاطۍ او د ترافیکي اصولو د نه مراعات له امله رامنځته کېږي، چې هر کال ګڼ شمېر کسانو ته مرګ‌ژوبله اړوي.