ازبک چارواکي: په ازبکستان کې ۶۳۶ افغان پانګه‌وال شرکتونه فعالیت لري

د طالبانو د امربالمعروف او نهې عن المنکر وزارت ویاند سیف‌السلام خیبر د شنبې په ورځ (د سلواغې ۲۵مه) په خپله اېکس‌پاڼه ولنټاین د غرب له «پرېوتې اخلاقي» فضا څخه راټوکېدلې ورځ بللې ده.

نوموړي د عاشقانو ورځ یا ولنټاین «د انسان د نفسي غرایزو د ارامولو او خړوبولو» ورځ بللې ده او په وینا یې، دغه ډول ښکارندې د افغانستان په دیني ارزښتونو او تاریخ کې مخینه نه‌لري.

هغه زیاته کړې: «په حقیقت کې دا ټولې ورځې د هغو خلکو له لوري جوړې او ټاکل شوې دي، چې نه د مینې، نه د اخلاقو، نه د انسانیت او نه هم د کرامت په معنا څه پېژني».

د یادونې وړ ده، چې د افغانستان په تېر نظام کې د فبرورۍ ۱۴مه، د عاشقانو ورځ کې د کابل ځينې برخې تزیین کېدې او په‌کې نجونو او هلکانو قدم واهه او همداراز یې یو بل ته ډالۍ هم ورکولې.

خو طالبانو له نږدې ۵ کلونو راهیسې د دغه ډول ورځو نمانځنه منع کړې او همداراز د کابل په ځينو سیمو کې یې د ولنټاین اړوند د ځانګړو ډالۍ پلورنځي هم بند کړې دي.

د امریکا د بهرنیو چارو وزیر مارکو روبیو د شنبې په ورځ پر خپلې اېکس‌پاڼې لیکلي، چې د اوکراین له ولسمشر ولادیمیر زېلېنسکي سره یې د لیدنې پرمهال د دوه اړخیزو همکاریو پر پراختیا خبرې کړې دي.

نوموړي زیاته کړې: «ولسمشر ټرمپ داسې یوه حل‌لاره غواړي چې په اوکراین کې روانه وینه تویونه د تل لپاره پای ته ورسېږي.»

دا لیدنه پر داسې مهال ترسره کېږي، چې نړۍواله ټولنه په اوکراین کې د سولې د احتمالي طرحې په اړه د ټرمپ د ادارې راتلونکو ګامونو ته په تمه ده.

د طالبانو له پېښو سره د مبارزې چمتووالي ادارې د شنبې په ورځ (د سلواغې ۲۵مه) د یوې خبرپاڼې په خپرولو سره ویلي، د دغې ادارې رييس نورالدین ترابي د افغان ځوانانو له خدماتي موسسې سره د ګډو همکاریو هوکړه لاسلیک کړه.

هغه د دغې هوکړې د لاسلیک پر مهال وویل: «د ژمي موسم او د کرنیزو حاصلاتو کموالي ته په پام کې نیولو سره بشردوستانه مرستې مهمې دي».

د لاسلیک شوې هوکړې له‌مخې، یاده موسسه به له سروې او ارزونې وروسته د یونېسف سازمان له‌خوا د پکتیکا د جاني‌خېل ولسوالۍ ۸۱۲کورنیو، د لوګر د محمداغې ولسوالۍ ۸۱۲کورنیو او د ننګرهار د لعلپورې ولسوالۍ ۸۱۲نورو کورنیو ته چې تر یو کال کم عمره ماشوم لري، د هغوی د تغذیې لپاره هرې کورنۍ ته به د درېیو پړاوونو لپاره د ۶۰ډالرو معادل افغانۍ ورکړي.

یادې رسنۍ د یوه امریکايي چارواکي له قوله لیکلي، چې له ایران سره د اټومي مذاکراتي پلاوي مشرانو سټیو وېټکاف او جرډ کوشنر دا څرګندونې د یوې هوکړې د څرنګوالي په اړه د ټرمپ د پوښتنې په ځواب کې کړې دي.

دوی ویلي، چې تر دې دمه د ایران مذاکراتي پلاوي داسې دریځونه غوره کړي چې د واشنګټن له نظره د منلو وړ چوکاټ کې نه راځي.

پر همدغه مهال اکسیوس د یوه بل امریکايي چارواکي له قوله هم لیکلي، چې داسې هېڅ څرګ نه لېدل کېږي چې ایران دې د امریکا له وړاندیزونو سره هوکړه وکړي.

د لومړۍ سرچینې په وینا، کوشنر او وېټکاف ټرمپ ته ویلي چې مذاکراتو ته دوام ورکوي او د امریکا سخت دریځ به وساتي.

سرچینې زیاته کړې: «که ایراني چارواکي له داسې یوې هوکړې سره هوکړه وکړي چې د امریکا لپاره د منلو وړ وي، دوی به لازم معلومات ټرمپ ته وړاندې کړي، ترڅو هغه وروستۍ پرېکړه وکړي».

ټاکل شوې ده، چې وېټکاب او کوشنر د سې‌شنبې په ورځ له ایراني پلاوي سره د عمان په کوربتوب په جینوا ښار کې وګوري.

د هلمند د رسنیو دفتر د شنبې په ورځ (د سلواغې ۲۵مه) د یوې خبرپاڼې په خپرولو سره ویلي، په دغو قاچاقي موادو کې انساني درمل، روب، وریجې، اچار، مس او نور مواد شامل دي او له مرکز لښکرګاه ښار سربېره د صفري ټکو او همداراز ګرمسېر ولسوالۍ په شاوخوا سیمو کې ترلاسه شوي دي.

د خبرپاڼې له‌مخې، د دغو موادو د قاچاق په تړاو ۲۰ کسان له ۱۳ موټرو سره یو ځای نیول شوي دي.

په خبرپاڼه کې د یادو توکو د مبدا یا صادروونکي هېواد د نوم په اړه څه نه‌دي ویل شوي، خو تر دې مخکې دغه ډول مواد د بهرامچې له لارې له پاکستان څخه هېواد ته راوړل کېدل.

له څه باندې درېیو میاشتو راهیسې د افغانستان او پاکستان تر منځ هر ډول سوداګري په ټپه درول شوې او اوس یو شمېر کسان هڅې کوي، چې په قاچاقي توګه دواړو خواو ته د اړتیا وړ مواد ولېږدوي.

د یادونې وړ ده، چې تر دې مخکې هم په هلمند کې زرګونه کیلوګرامه قاچاقي مواد ترلاسه او سوځول شوي دي.