طالبانو تایید کړه چې په ارزګان کې د یوه پخواني افسر قبر ړنګ او له جسد سره یې ناسم چلند شوی

د حنیف اتمر په مشرۍ د افغانستان د سولې او عدالت ملي خوځښت د یکشنبې په ورځ (د سلواغې ۲۶مه) د یوې اعلامیې په خپرولو سره ویلي، چې د دغه خوځښت یو شمېر غړو د حرکت د منشور خلاف د بنسټ اېښودونکو د پرېکنده اکثریت له پرېکړې سره مخالفت کړی او له یاد خوځښت څخه جلا شوې دي.

د سولې او عدالت ملي خوځښت ویلي، دوی باور لري چې د افغانستان کړکېچ د یوې داسې سیاسي هوکړې له لارې د حل وړ دی، چې پایله یې د یوه مشروع نظام رامنځته کېدل او د بشري حقونو خوندیتوب وي. دغه خوځښت زیاته کړې، چې د مشرتابه اکثریت غړو یې له نورو مطرحو سیاسي او مدني بهیرونو سره د ګډ کار هوډ درلود، خو یو شمېر غړو یې له دغې "ملي همغږۍ" سره د مخالفت له امله خپله لاره بېله کړه.

په اعلامیه کې د یاد خوځښت د جلا شویو غړو د نومونو یادونه نه ده شوې.

د دغه خوځښت په اعلامیه کې راغلي: «د منشور د موخو لپاره بیا ځلې له ټولو غړو رایه واخیستل شوه، چې په پایله کې ۸۰ سلنه بنسټګرو او غړو په رایه اچونه کې ګډون وکړ؛ له دې جملې ۸۸ سلنه ګډونوالو د خوځښت د دوام او د ملي همغږۍ سیاسي پروګرام ته مثبته رایه ورکړه. یوازې ۸ سلنه (۱۲ تنو) رایې ورکوونکو د خوځښت له دوام او ملي همغږۍ سره په مخالفت کې رایه ورکړه او خپله جلا لاره یې جلا کړه. د رهبرۍ شورا له ۱۷ غړو څخه هم یوازې ۵ غړي په مخالفه ډله کې وو.

د افغانستان د سولې او عدالت خوځښت د خپلو ځینو متحدینو له جلا کېدو وروسته ویلي، چې د افغانستان د بحرانونو د سیاسي حل او له نورو مطرحو سیاسي او مدني ځواکونو سره د همغږۍ په لاره کې به خپلې هڅې دوه برابره کړي او د ملي ګټو د ساتلو په موخه به خپلو هلوځلو ته دوام ورکړي. دوی همدارنګه پر طالبانو غړ کړی، چې د نړۍوالې ټولنې او افغانانو غوښتونو ته غاړه کېږي او بین‌الافغاني مذاکراتو ته چمتو شي.

دا په داسې حال کې ده، چې د «سولې او عدالت ملي خوځښت» سیاسي جریان د یو‌شمېر سیاسي، فرهنګي او د مخکېني حکومت د ځینو څېرو په غړیتوب جوړ شوی و.

په کراچۍ کې د طالبانو کونسلګرۍ د یوې خبرپاڼې په خپرولو سره ویلي، چې د یادې کونسلګرۍ د هڅو په پایله کې یې د دوو ښځو او لسو ماشومانو په ګډون ۱۰۵ تنه افغان کډوال د کراچۍ د ډیپورټ توقیف ځای څخه خوشې او سپین بولدک ـ چمن له لارې یې هېواد ته ولېږدول.

د طالبانو کونسلګرۍ ویلي، چې یاد افغانان له تېرې یوې میاشتې راهیسې د سند ـ بلوچستان د توقیف په مرکز کې بندیان وو.

دغه افغان بندیان پر داسې مهال د سند له زندان څخه راخوشې شوي، چې په پاکستان کې د تېرو څه باندې دوو کلونو راهیسې په زور د افغان کډوالو د شړلو بهیر پیل شوی او تر دې مهاله سلګونه زره افغان کډوال په جبري توګه افغانستان ته ستانه کړل شوي دي.

د راپورونو له‌مخې، په دې غونډه کې به د افغانستان اوسنی سیاسي، امنیتي او بشري وضعیت او همداراز له طالبانو سره د سیمه‌ییزو همکاریو په تړاو خبرې وشي.

طالبانو لا تر اوسه د دغې جوړېدونکې غونډې په تړاو څه نه‌دي ویلي او دا هم روښانه نه‌ده، چې په یاده غونډه کې د ګډون لپاره طالبانو ته هم بلنه ورکړل شوې او که څنګه؟

تر دې مخکې د افغانستان لپاره د ازبکستان د ولسمشر ځانګړي استازي عصمت‌الله ایرګاشېف په دغه هېواد کې د قزاقستان له سفیر بېبوت اتامکولوف سره په لیدنه کې د سیمه‌ییز اتصال او همغږۍ په بهیرونو کې د افغانستان پر رول خبرې اترې کړې وې.

ازبکستان او قزاقستان وايي چې افغانستان د سیمه‌ییز اتصال مهمه کړۍ ده | افغانستان انټرنشنل پښتو

دواړو لورو ټینګار کړی وو، چې د افغانستان د ثبات او پرمختګ لپاره سیمه‌ییزه همکاري اړینه ده او په دې برخه کې د منظم او دوامدار ډیالوګ دوام ته اړتیا ده.

د طالبانو د کانونو او پټرولیم وزارت د یوې خبرپاڼې په خپرولو سره ویلي، چې د بدخشان په شهربزرګ، یاوان کوهستان، راغستان، خواهان او ارغنجخواه ولسوالیو کې د زرو مینځلو او د کانونو د استخراج اړوند پروژو کې له ۱۰۰ زرو څخه ډېرو کسانو ته په مستقیم او غېرمستقیم د کار زمینه برابره شوې ده.

یاد وزارت ویلي، چې د زرو مینځلو فعالیت خلکو ته د کار د زمیني برابرولو ترڅنګ د سیمي اقتصادي وضعیت کې هم د پام وړ مثبت بدلون راوستی دی.

په خبرپاڼه کې راغلي: «ډېری ځايي اوسېددونکي چې پخوا له بې‌کارۍ او اقتصادي ستونززو سره مخ وو، اوس د دغو پروژو له لارې د خپل ژوند ورځیني عواید ترلاسه کوي».

د طالبانو د کانونو او پټرولیم وزارت ویلي، چې په بدخشان ولایت کې د کانونو د استخراج ترڅنګ د ۲۲۳ میلیونه افغانیو په ارزښت د ۱۷ پروژو چارې هم دوام لري چې د سیمې د پرمختګ ترڅنګ په‌کې ګڼو کسانو ته د کار زمینه هم برابره شوې ده.

که څه هم د طالبانو د کانونو او پټرولیم وزارت د کاني زېرمو قانوني استخراج او رڼه اداره خپل لومړیتوب بولي، خو یو شمېر منتقدین بیا ادعا کوي چې دغه ډله په بېلابېلو ولایتونو کې په غېرمسلکي ډول کېندنې کوي او په یاده برخه کې طالبان په پراخ فساد هم تورنوي.

د هرات ولایت لپاره د طالبانو د رسنیو دفتر د یکشنبې په ورځ (د سلواغې ۲۶مه) د یوې خبرپاڼې په خپرولو سره ویلي، دغه ستر نړۍوال بازار به پر ۶۵ جریبه ځمکه کې د ۵ میلیونه ډالرو په لګښټ په څلور پړاوونو کې د شپږو میاشتو په موده کې جوړ او ګټې اخیستنې ته وسپارل شي.

د خبرپاڼې د معلوماتو له‌مخې، په دې ستر بازار کې به ۶۰۰ هټۍ او همداراز په ۲۵ جریبه ځمکه کې د ۲۰ زره ټُنه کرنیزو محصولاتو د ساتنې په ظرفیت سړې خونې جوړې شي.

په همدې تړاو جوړو شویو مراسمو کې د هرات ولایت لپاره د طالبانو والي، کرنه د افغانستان د اقتصادي ځان بساینې له اساسي برخو وبلله او ویې ویل، د دې ستر میدان‌بار په جوړېدو سره به د کروندګرو سوداګرو او هټۍوالو لپاره د پام وړ اسانتیاوې برابرې شي.

هغه همداراز له بزګرانو وغوښتل: «د کرنې له متخصصینو سره په مشورې پرمختللو، اقتصاد محوره او کم‌اوبو کښتونو ته مخه کړئ، څو په هرات کې کرنه میکانیزه او عصري شي».

له دې سره سم، د طالبانو د کرنې، اوبو لګولو او مالدارۍ وزارت مرستیال هم د دې میدان‌بار جوړول د سبزیجاتو او تازه مېوو د پروسس او عرضې لپاره مهم ګام وباله او ټینګار یې وکړ، چې یاد وزارت هڅه کوي چې د کروندګرو او مالدارانو لپاره نورې اسانتیاوې هم برابرې کړي.

د هرات ولایت په خبرپاڼه کې په دې اړه چې د دغه نړۍوال بازار د جوړېدو بودیجه څوک او یا هم کوم بنسټ ورکوي، څه نه‌دي ویلي.