مجاهد: ببین تفاوت را از کجا تا به کجا! « خپل دفاع وزیر د نورو له دفاع وزیر سره پرتله کړئ»

د فلسطین سرې میاشتې ټولنې هم اعلان کړی چې د غزې په شمال کې د بې‌ځایه شویو کسانو پر یوه مرکز د برید له امله لږ تر لږه شپږ کسان وژل شوي دي.

د دغې ادارې په وینا، په یوه بل جلا برید کې چې د سیمې په جنوب کې شوی، پنځو نورو کسانو هم خپل ژوند له لاسه ورکړی دی.

بل لور ته، د اسراییل پوځ ویلي چې دغه هوايي بریدونه له اوربند څخه د سرغړونې په غبرګون کې شوي دي.

د پوځ په وینا، د حماس جنګیالي له تونلونو راوتلي او له هغې ټاکل شوې کرښې تېر شوي چې د اسراییلي ځواکونو لپاره د خطر کرښه بلل کېږي.

اسراییل او حماس دواړو یو بل څو ځله د اوربند په ماتولو تورن کړي دي. دا اوربند د غزې د جګړې د پای ته رسېدو لپاره مهم ګام بلل کېږي، خو لا هم نازک حالت لري او د دوام په اړه یې اندېښنې موجودې دي.

کرملین ماڼۍ د روسیې ولسمشر لیکلی پېغام خپور کړی دی.

پوتین په پېغام کې لیکلي:«د ۱۹۸۹ کابل فبروري ۱۵مه، زموږ د پلرني ټاټوبي په پوځي تاریخ کې یوه مهمه او نه هېرېدونکې نیټه ده، موږ په خپلو سرتیرو او افسرانو او همدارنګه ملکي متخصصینو ویاړو چې خپله دنده یې په عزت ترسره کړه.»

پوتین د خپلو ځواکونو په اړه ویلي، چې د مورني ټاټوبي د ملي ګټو په دفاع کې، دوی په وقار سره سختې ازموینې زغملې، انعطاف او زړورتیا، شفقت، رحم او شرافت یې ښودلی دی.

د روسیې ولسمشر ویلي، «دا مهمه ده چې د دې کلونو په اوږدو کې تاسې د نظامي ورورګلوۍ دودونه په دقت سره ساتلي دي، د خپلو ملګرو سرتیرو او د هغوی کورنیو ملاتړ مو کړی دی».

که څه هم روسیه لومړنی او یوازینی هېواد دی، چې د طالبانو اداره یې په رسمیت پېژندلې خو دې ډلې په کابل کې د سلواغې پر ۲۶مه له افغانستان څخه د پخواني شوروي اتحاد د پوځونو د وتلو د کلیزې په مناسبت په جوړو شویو مراسمو کې دا ورځ د هېواد ازادي وبلله.

په دغو ولایتونو کې کابل، پروان، بامیان، دایکندي، میدان وردگ، لوگر، پکتیا، پکتیکا، غزني، کندهار، زابل، ارزگان، هلمند، هرات، فراه، غور، بادغیس، سرپل او فاریاب شامل دی.

په خبرپاڼه کې راغلي، چې د یکشنبې او دوشنبې په ورځو، د سلواغې په ۲۶او ۲۷مه، اټکل کېږي، چې په یادو ولایتونو کې به د باران کچه له ۵ څخه تر ۳۰ ملي مترو پورې وي، او په مختلفو سیمو کې به د واورې زیاتوالی له ۵ څخه تر ۳۰ سانتي پورې وي.

د سیمو له اوسېدونکو، په ځانګړي ډول له هغو کسانو چې د سیندونو پر غاړو او سېلاب‌ځپلو سیمو کې ژوند کوي، غوښتل شوي چې احتیاطي تدابیر ونیسي او له ګواښمنو سیمو ځانونه لرې وساتي.

دا خبرداری داسې مهال ورکول کېږي، چې په وروستیو اونیو کې درنو ورښتونو او واورو په یو شمېر ولایتونو کې درانه مالي زیانونه او مرګ‌ژوبله اړولې ده. د راپورونو له مخې، د سلواغې میاشتې په لومړیو ورځو کې د سختو ورښتونو له امله لږ تر لږه ۶۱کسان مړه او ۱۱۰نور ټپیان شوي وو.

حنفي، دغه څرګندونې نن یکشنبه د سلواغې پر ۲۶مه له افغانستان څخه د پخواني شوروي اتحاد د پوځونو د وتلو د کلیزې په مناسبت په جوړو شویو مراسمو کې وکړې.

هغه وویل چې د ازادۍ ارزښت باید وپېژندل شي.

نوموړي ټینګار وکړ چې طالب چارواکي باید خپل یووالی وساتي او له هېوادوالو سره په اسلامي اخلاقو او تواضع چلند وکړي. هغه زیاته کړه چې چارواکي باید له غرور، تکبر او هر ډول تعصب څخه ځانونه وساتي او تر خپلې وسې د خلکو ستونزو ته رسېدنه وکړي.

حنفي همدارنګه له خلکو وغوښتل چې د دې ډلې له چارواکو او مسوولينو سره همکاري وکړي او د هېواد د ثبات او پرمختګ لپاره ګډ کار وکړي.

حنفي، په داسې حال کې له طالب چارواکو غواړي چې له خلکو سره ښه چلند وکړي، چې دې ډلې له بیا واکمنېدو وروسته د افغانانو بنستیز حقونه تر پښو لاندې کړي، له مېرمنو او نجونو یې د زده کړو او کار کولو حق اخیستې، پر رسنیو یې محدودیتونه لګولي، هره ورځ په عام محضر کې سزاوې عملي کوي او حتا په افغانستان کې هېڅوک دا حق نه لري چې خپل ویښتان هم په خپله خوښه جوړ کړي.

د دې ادارې په وینا، یادو مرکزونو کې د مصنوعي غړو جوړول او لګول، فزیوتراپي او د بیارغونې نور روغتیايي خدمتونه وړاندې شوي دي.

سره صلیب ټینګار کړی، چې د دغو خدماتو له لارې زرګونه کسان توانېدلي چې خپل ورځني ژوند ته بېرته ستانه شي او په ټولنیز ژوند کې فعاله ونډه واخلي.

یادې کمېټې زیاته کړې چې په افغانستان کې د اوږدمهاله جګړو او ناامنیو له امله لا هم د فزیکي بیارغونې خدمتونو ته اړتیا لوړه ده او هڅه کوي دا ملاتړ دوامدار وساتي.

دې ادارې په خپل یو بل راپور کې ویلي چې په افغانستان کې یې د سرې میاشتې ټولنې په همکارې په ۲۰۲۵ کال کې څه باندې دوو میلیونو ناروغانو ته روغتیايي خدمتونه وړاندې کړي دي.

سره صلیب زیاته کړې چې د دغه فدراسیون تر ملاتړ لاندې ۱۲۸ روغتیايي مرکزونه تمویل شوي او خپل فعالیتونه یې هم پراخ کړي دي.

دغه بنسټ څرګنده کړې چې ۶۰ سلنه هغه کسان چې روغتیايي خدمتونه یې ترلاسه کړي، ښځې او نجونې وې.

د دغه بنسټ په وینا، په تېر یوه کال کې ۱۳ زره کسانو رواني او ټولنیز خدمتونه ترلاسه کړي چې ۸۳ سلنه یې ښځې دي.