کرېکټ نړۍوال جام؛ هند د پاکستان لوبډلې ته د ۶۱ منډو په توپیر ماتې وکړه
د ۲۰۲۶ کال د شل اوریزو کرېکټ نړۍوال جام په ګروپي پړاو کې هند له پاکستان سره لوبه وکړه او خپل سیال ته یې د ۶۱ منډو په توپیر ماتې ورکړه.
د ۲۰۲۶ کال د شل اوریزو کرېکټ نړۍوال جام په ګروپي پړاو کې هند له پاکستان سره لوبه وکړه او خپل سیال ته یې د ۶۱ منډو په توپیر ماتې ورکړه.
د هند او د پاکستان د کرېکټ ملي لوبډلو ترمنځ لوبه نن د سریلانکا په کولمبو کې ترسره شوه.
د لوبې پچه د پاکستان لوبډلې وګټله او لومړی یې د توپاچونې پرېکړه وکړه.
د هند لوبډلې په شلو اورونو کې د ۷ ویکټو په زیان سره ۱۷۵ منډې جوړې کړې او د پاکستان لوبډلې ته یې په شلو اورونو کې د ۱۷۶ منډو هدف ورکړ.
د هند لپاره تر ټولو ډېرې ۷۷ منډې اېشان کېشن وکړې.
د لوبې په دویمه پاڼۍ کې د پاکستان لوبډلې د نندارچیانو د تمې خلاف توپ وهنه وکړه، چې د یادې لوبډلې ټول لوبغاړي په ۱۸م اور کې په ۱۱۴ منډو وسوځېدل او په دې توګه هند دغه لوبه د ۶۱ منډو په توپیر وګټله.
د پاکستان لپاره تر ټولو ډېرې ۴۴ منډې عثمانخان جوړې کړې او پاتې نور لوبغاړي په خورا کمو منډو او ان له منډو جوړولو پرته وسوځېدل.
د هند لپاره په توپ اچونه کې هایډیک پانډیا، بمبرا، اکشرپټیل، ورن چکروټي دوه ـ دوه ویکټي واخیستي.
