په سند ایالت کې د یوې ټرافیکي پېښې له امله ۱۱ کسان مړه شوي

د پاکستان د پخواني لومړي وزیر او د تحریک انصاف ګوند مشر عمران خان د خراب روغتیايي وضعیت په تړاو له ګڼو غبرګونونو وروسته د دغه هېواد حکومت پرېکړه کړې، چې هغه باید د درملنې لپاره یوه روغتون ته ولېږدول شي.

د عمران خان خور عليمه خان یو ځل بیا د خان د روغتیايي وضعیت په تړاو د اندېښنې په څرګندولو سره وايي، د خان درملنه باید د اسلام‌اباد په شفا روغتون کې د هغه د شخصي ډاکټرانو او د کورنۍ د غړو په حضور کې وشي، خو په وینا یې حکومت دې کار ته اجازه نه‌ورکوي.

علیمه خان د یکشنبې په ماخوستن (د سلواغې ۲۶مه) په خپله اېکس‌پاڼه ویلي: «زموږ غوښتنه له پیل څخه روښانه وه؛ عمران خان باید د متخصصو ډاکټرانو له لوري معاینه او درملنه یې وشي او دا به د هغه د شخصي ډاکټر (ډاکټر عاصم یوسف) او د کورنۍ د یوه غړي په حضور کې د اسلام‌اباد په شفا انټرنشنل کې ترسره شي».

د نوموړې په وینا، د پاکستان حکومت هغه متخصصین او ډاکټران چې باید د عمران خان د درملنې په بهیر کې حضور ولري رد کړي او همداراز ورته ویل شوي، چې د خان د درملنې په بهیر کې د هغه خویندې هم باید حضور ونه‌لري.

هغې ټينګار کړی: «دا د منلو وړ نه ده. زموږ اندېښنې مخ په زیاتېدو دي چې ولې زموږ د کورنۍ غړو ته د حضور اجازه نه‌ورکول کېږي؟ ایا زموږ له‌خوا معرفي شوي ډاکټران ځکه رد شوي چې هغوی ډېر مسلکي او لوړپوړي ډاکټران دي؟»

د پاکستان حکومت لا تر اوسه په دې تړاو څه سپیناوی نه‌دی کړی.

د پاکستان د بشري حقونو شورا د عمران خان د روغتیايي حالت په اړه جدي اندېښنه څرګنده کړه | افغانستان انټرنشنل پښتو

د یادونې وړ ده، چې د پاکستان د بشري حقونو شورا هم تر دې مخکې د عمران خان د خراب روغتیايي حالت په اړه ژوره اندېښنه څرګنده کړې وه او همداراز د عمران خان وکیل ویلي وو، چې د هغه ښۍ سترګه ړندېدو ته نږدې ده.

د ایران د ملي امنیت د عالي شورا منشي علي لاریجاني په ټینګار سره ویلي، چې ایران د جګړې غوښتونکی نه دی، خو د هر ډول تېري ځواب ورکولو ته بشپړ چمتووالی لري.

دغه ایراني چارواکي غوښتنه کړې، چې اسراییل دې د ایران او امریکا ترمنځ د خبرو سبوتاژ کولو هڅه نه کوي.

دا په داسې حال کې ده، چې ایراني رسنیو راپور ورکړی چې د ایران د بهرنیو چارو وزیر عباس عراقچي نن د یکشنبې په ماښام د یوه ډیپلوماټیک پلاوي په مشرۍ له امریکا سره د دویم پړام اټومي مذاکراو لپاره سویس ته روان شوی او تمه ده، چې د دواړو هېوادونو مذاکراتي پلاوي به د سې‌شنبې په ورځ د عمان په منځګړیتوب په سویس کې اټومي مذاکرات وکړي.

د راپورونو له‌مخې، په دې غونډه کې به د افغانستان اوسنی سیاسي، امنیتي او بشري وضعیت او همداراز له طالبانو سره د سیمه‌ییزو همکاریو په تړاو خبرې وشي.

طالبانو لا تر اوسه د دغې جوړېدونکې غونډې په تړاو څه نه‌دي ویلي او دا هم روښانه نه‌ده، چې په یاده غونډه کې د ګډون لپاره طالبانو ته هم بلنه ورکړل شوې او که څنګه؟

تر دې مخکې د افغانستان لپاره د ازبکستان د ولسمشر ځانګړي استازي عصمت‌الله ایرګاشېف په دغه هېواد کې د قزاقستان له سفیر بېبوت اتامکولوف سره په لیدنه کې د سیمه‌ییز اتصال او همغږۍ په بهیرونو کې د افغانستان پر رول خبرې اترې کړې وې.

ازبکستان او قزاقستان وايي چې افغانستان د سیمه‌ییز اتصال مهمه کړۍ ده | افغانستان انټرنشنل پښتو

دواړو لورو ټینګار کړی وو، چې د افغانستان د ثبات او پرمختګ لپاره سیمه‌ییزه همکاري اړینه ده او په دې برخه کې د منظم او دوامدار ډیالوګ دوام ته اړتیا ده.

د فلسطین سرې میاشتې ټولنې هم اعلان کړی چې د غزې په شمال کې د بې‌ځایه شویو کسانو پر یوه مرکز د برید له امله لږ تر لږه شپږ کسان وژل شوي دي.

د دغې ادارې په وینا، په یوه بل جلا برید کې چې د سیمې په جنوب کې شوی، پنځو نورو کسانو هم خپل ژوند له لاسه ورکړی دی.

بل لور ته، د اسراییل پوځ ویلي چې دغه هوايي بریدونه له اوربند څخه د سرغړونې په غبرګون کې شوي دي.

د پوځ په وینا، د حماس جنګیالي له تونلونو راوتلي او له هغې ټاکل شوې کرښې تېر شوي چې د اسراییلي ځواکونو لپاره د خطر کرښه بلل کېږي.

اسراییل او حماس دواړو یو بل څو ځله د اوربند په ماتولو تورن کړي دي. دا اوربند د غزې د جګړې د پای ته رسېدو لپاره مهم ګام بلل کېږي، خو لا هم نازک حالت لري او د دوام په اړه یې اندېښنې موجودې دي.

ګوترېش په خپل پیغام کې ویلي، چې نړۍ دا مهال له ګڼو بشري کړکېچونو سره مخ ده او روژه د یووالي، شفقت او د اړمنو د لاسنیوي یو فرصت دی.

هغه د افغانستان، یمن، غزې او سوډان په څېر هېوادونو کې روانو بشري بحرانونو ته په اشارې سره، د جګړو، لوږې او بې‌ځایه کېدو له امله له زیانمنو شویو کسانو سره د بېړنۍ مرستې غوښتنه وکړه.

د ملګرو ملتونو سرمنشي ټینګار کړی چې باید د ټولو انسانانو حقونه او کرامت خوندي وساتل شي او نړیواله ټولنه دې د بشري ناورینونو د کمولو لپاره ګډ او جدي ګامونه پورته کړي.

نوموړي هیله وښوده چې د روژې میاشت به د سولې، زغم او متقابل درناوي د لا پیاوړتیا لامل شي.