ټرمپ: د سولې بورډ غړو د غزې لپاره له ۵ میلیاردو ډالرو زیاتې ژمنې کړې
د امریکا ولسمشر ډونالډ ټرمپ وايي، د پنجشنبې په ورځ به اعلان وکړي چې د سولې بورډ غړو هېوادونو د غزې د بیا رغونې او بشري مرستو لپاره له ۵ میلیاردو ډالرو زیاتې ژمنې کړې دي.
ټرمپ د یکشنبې په ورځ په ټروت سوشل کې لیکلي چې غړو هېوادونو د فلسطین په دې سیمه کې د ملګرو ملتونو د تصویب شوي سوله ساتي ځواک او ځایي پولیسو لپاره د زرګونه کسانو ژمنې هم کړې دي.
