په ایران کې د کانونو د کارکوونکو پر موټر د وسلهوال برید په پېښه کې دوه کسان وژل شوي
د ایران د زاهدان ښار د پولیسو مشر حامد نوري ويلي، چې د یکشنبې په ورځ د کانونو د کارکوونکو پر موټر وسلهوال برید کې دوه کسان وژل شوي او دوه نور ټپیان دي.
د زاهدان ښار د پولیسو مشر فارس خبري اژانس ته ویلي، پر دغو کسانو هغه مهال وسلهوال برید وشو چې له کان څخه د خپلو کورونو په لور روان وو.
د زاهدان پولیسو ویلي، چې ناپېژاندو وسلهوالو د کانونو د کارکوونکو پر موټر له برید وروسته د یو پيژو ډوله موټر په وسیله له سیمې څخه په تېښته بریالي شوي دي.
پولیسو ویلي، د یاد برید په اړه یې پلټنې پیل کړي، خو تر اوسه د دغې پېښې پړه کومې وسلهوالې ډلې پر غاړه نه ده اخیستې.
