په هرات کې د ۵ میلیونه ډالرو په لګښت د "څلور فصل" نړۍوال مارکېټ د جوړولو چارې پیل شوې

د طالبانو د چاپېریال ساتنې ادارې رييس مطیع‌الحق خالص د یکشنبې په ورځ (د سلواغې ۲۶مه) د هرات د صنعتي ښارګوټي د یو شمېر کارخونو د څارنې په ترڅ کې د اقتصادي ودې او کاري فرصتونو د رامنځته کولو په برخه کې د صنعتکارانو پانګونې وستایلې او هغوی یې د هېواد بنسټيزې پانګې وبللې. هغه له کارخونو لرونکو وغوښتل، چې په خپلو فعالیتونو کې په جدي ډول چاپېریالي قوانین او مقرار رعایت کړي.

مطیع‌الحق خالص زیاته کړه: «صنعتي پراختیا به هغه مهال اغېزناکه وي چې چاپېریالي اصول مراعات او همداراز ملي او نړۍوال معیارونه تطبیق شي».

هغه زیاته کړه، چې تر دې وروسته به هم د چاپېریال ساتنې قوانینو د تطبیق په موخه پر کارخونه لرونکو جدي څار ولري.

اسلامي جمعیت ګوند له افغانستان څخه د پخواني شوروي ځواکونو د وتلو د ۳۷مې کالیزې په مناسبت په یوه اعلامیه کې ویلي: «د سلواغې ۲۶مه د شوروي اتحاد د اشغال پروړاندې د افغانانو د جهاد او ملي ارادې ښکارندویي کوي او د ازادۍ د ساتنې، د برخلیک ټاکلو د حق، د ملي هویت او د هېواد د خپلواکۍ او ځمکنۍ بشپړتیا په لاره کې د یووالي او انسجام یوه روښانه بېلګه ده».

د اعلامیې له‌مخې، د افغانانو د مبارزې په پایله کې د شوروي ځواکونو له وتلو وروسته افغانانو د نړۍ د سولې او امنیت په برخه کې لویه مرسته وکړه، خو د پخواني شوروي اتحاد له وتلو وروسته نړۍوالې ټولنې افغانان په غېرمسوولانه ډول یوازې پرېښودل، چې له امله یې په افغانستان کې د بهرنیو استخباراتي مداخلو او د نیابتي او تاوتریخجنو ډلو د راټوکېدو زمینه برابره شوه.

په اعلامیه کې راغلي: «هغه ظلم چې نن د افغانستان پر خلکو روان دی، د یوې برخې لامل یې د سیمې او نړۍ د ځینو هېوادونو غېرمسوولانه چلند او محاسباتي تېروتنې دي».

یاد ګوند د استبداد او انحصار پر پای ته رسولو، د خلکو پر ارادې او د قانون پر حاکمیت ولاړ سیاسي نظام پر رامنځته کولو خپله ژمنه تازه کړې او دوی ټینګار کوي، چې د هر ډول ظلم پروړاندې بریا په مسوولانه سیاست او د ټولو سیاسي جریانونو او ټول ملت په یووالي کې نغښتې ده.

کرملین ماڼۍ د روسیې ولسمشر لیکلی پېغام خپور کړی دی.

پوتین په پېغام کې لیکلي:«د ۱۹۸۹ کابل فبروري ۱۵مه، زموږ د پلرني ټاټوبي په پوځي تاریخ کې یوه مهمه او نه هېرېدونکې نیټه ده، موږ په خپلو سرتیرو او افسرانو او همدارنګه ملکي متخصصینو ویاړو چې خپله دنده یې په عزت ترسره کړه.»

پوتین د خپلو ځواکونو په اړه ویلي، چې د مورني ټاټوبي د ملي ګټو په دفاع کې، دوی په وقار سره سختې ازموینې زغملې، انعطاف او زړورتیا، شفقت، رحم او شرافت یې ښودلی دی.

د روسیې ولسمشر ویلي، «دا مهمه ده چې د دې کلونو په اوږدو کې تاسې د نظامي ورورګلوۍ دودونه په دقت سره ساتلي دي، د خپلو ملګرو سرتیرو او د هغوی کورنیو ملاتړ مو کړی دی».

که څه هم روسیه لومړنی او یوازینی هېواد دی، چې د طالبانو اداره یې په رسمیت پېژندلې خو دې ډلې په کابل کې د سلواغې پر ۲۶مه له افغانستان څخه د پخواني شوروي اتحاد د پوځونو د وتلو د کلیزې په مناسبت په جوړو شویو مراسمو کې دا ورځ د هېواد ازادي وبلله.

په دغو ولایتونو کې کابل، پروان، بامیان، دایکندي، میدان وردگ، لوگر، پکتیا، پکتیکا، غزني، کندهار، زابل، ارزگان، هلمند، هرات، فراه، غور، بادغیس، سرپل او فاریاب شامل دی.

په خبرپاڼه کې راغلي، چې د یکشنبې او دوشنبې په ورځو، د سلواغې په ۲۶او ۲۷مه، اټکل کېږي، چې په یادو ولایتونو کې به د باران کچه له ۵ څخه تر ۳۰ ملي مترو پورې وي، او په مختلفو سیمو کې به د واورې زیاتوالی له ۵ څخه تر ۳۰ سانتي پورې وي.

د سیمو له اوسېدونکو، په ځانګړي ډول له هغو کسانو چې د سیندونو پر غاړو او سېلاب‌ځپلو سیمو کې ژوند کوي، غوښتل شوي چې احتیاطي تدابیر ونیسي او له ګواښمنو سیمو ځانونه لرې وساتي.

دا خبرداری داسې مهال ورکول کېږي، چې په وروستیو اونیو کې درنو ورښتونو او واورو په یو شمېر ولایتونو کې درانه مالي زیانونه او مرګ‌ژوبله اړولې ده. د راپورونو له مخې، د سلواغې میاشتې په لومړیو ورځو کې د سختو ورښتونو له امله لږ تر لږه ۶۱کسان مړه او ۱۱۰نور ټپیان شوي وو.

حنفي، دغه څرګندونې نن یکشنبه د سلواغې پر ۲۶مه له افغانستان څخه د پخواني شوروي اتحاد د پوځونو د وتلو د کلیزې په مناسبت په جوړو شویو مراسمو کې وکړې.

هغه وویل چې د ازادۍ ارزښت باید وپېژندل شي.

نوموړي ټینګار وکړ چې طالب چارواکي باید خپل یووالی وساتي او له هېوادوالو سره په اسلامي اخلاقو او تواضع چلند وکړي. هغه زیاته کړه چې چارواکي باید له غرور، تکبر او هر ډول تعصب څخه ځانونه وساتي او تر خپلې وسې د خلکو ستونزو ته رسېدنه وکړي.

حنفي همدارنګه له خلکو وغوښتل چې د دې ډلې له چارواکو او مسوولينو سره همکاري وکړي او د هېواد د ثبات او پرمختګ لپاره ګډ کار وکړي.

حنفي، په داسې حال کې له طالب چارواکو غواړي چې له خلکو سره ښه چلند وکړي، چې دې ډلې له بیا واکمنېدو وروسته د افغانانو بنستیز حقونه تر پښو لاندې کړي، له مېرمنو او نجونو یې د زده کړو او کار کولو حق اخیستې، پر رسنیو یې محدودیتونه لګولي، هره ورځ په عام محضر کې سزاوې عملي کوي او حتا په افغانستان کې هېڅوک دا حق نه لري چې خپل ویښتان هم په خپله خوښه جوړ کړي.