علي لاریجاني: که امریکا له زور څخه کار واخلي، موږ به هم له زور څخه کار واخلو
د ایران د ملي امنیت د عالي شورا منشي علي لاریجاني له الجزیرې سره په تازه مرکه کې ویلي، که امریکا له ایران سره له زور څخه کار واخلي، دوی به هم ورته غبرګون وښيي او د هر ډول تېري په صورت کې به د امریکا اډې په نښه کړي.
د ایران د ملي امنیت د عالي شورا منشي علي لاریجاني په ټینګار سره ویلي، چې ایران د جګړې غوښتونکی نه دی، خو د هر ډول تېري ځواب ورکولو ته بشپړ چمتووالی لري.
دغه ایراني چارواکي غوښتنه کړې، چې اسراییل دې د ایران او امریکا ترمنځ د خبرو سبوتاژ کولو هڅه نه کوي.
دا په داسې حال کې ده، چې ایراني رسنیو راپور ورکړی چې د ایران د بهرنیو چارو وزیر عباس عراقچي نن د یکشنبې په ماښام د یوه ډیپلوماټیک پلاوي په مشرۍ له امریکا سره د دویم پړام اټومي مذاکراو لپاره سویس ته روان شوی او تمه ده، چې د دواړو هېوادونو مذاکراتي پلاوي به د سېشنبې په ورځ د عمان په منځګړیتوب په سویس کې اټومي مذاکرات وکړي.
