لېنډسي ګراهام: مېرڅ د ایراني رژیم پای ته رسېدو وړاندوینې لپاره په تاریخ کې ځانګړی ځای لري

۲۷ سلواغه ۱۴۰۴ - ۱۶ فبروري ۲۰۲۶، ۰۵:۱۸ GMT

د امریکا جمهوري‌پال سناتور لېنډسي ګراهام د مونيخ امنیتي غونډې په څنډه کې ویلي، د جرمني لومړی وزیر فریدریښ مېرڅ د ایراني رژیم پای ته رسېدو وړاندوینې لپاره په تاریخ کې ځانګړی ځای لري.

ګراهام د مېرڅ څرګندونو ته په اشارې وایي:« مېرڅ ویلي چې د ایران حکومت به سقوط وکړي. خدای دې نوموړی خوندي وساتي». هغه ټینګار کړی، چې د جرمني د لومړي وزیر وړاندوېنه د نړۍوالو سیاستونو په تحلیل کې مهمه او د یادونې وړ ده؛ ځکه چې د خلکو اعتراضونه او د واکمنۍ احتمالي بدلونونه په سیمه کې د نړۍوالو ستراتیژیکو ګټو لپاره اغېزمن بلل کېږي.

•

له امریکا سره د خبرو اترو دویم پړاو؛ ایرانی پلاوی جېنوا ته ورسېد

۲۷ سلواغه ۱۴۰۴ - ۱۶ فبروري ۲۰۲۶، ۰۳:۴۶ GMT

د ایران د بهرنیو چارو وزیر عباس عراقچي او ورسره مل پلاوی یې له امریکا سره د اټومي خبرو اترو په دویم پړاو کې د ګډون لپاره جېنوا ته ورسېد. تردې وړاندې ایراني رسنیو خبر ورکړی و، چې هغه د یوه پلاوي په مشرۍ د دغه خبرو د دویم پړاو او «ځینو ډیپلوماتیکو سلامشورو» لپاره جېنوا ته روان شوی.

رویټرز مخکې راپور ورکړی و، چې د سټیو وېټکاف او جرډ کوشنر په ګډون یو امریکایي پلاوی به د سې‌شنبې په سهار له ایراني چارواکو سره وګوري. په ورته وخت کې د ملي امنیت عالي شورا منشي علي لاریجاني له الجزیرې سره په یوه مرکه کې ویلي: «موږ د امریکا له‌خوا کوم رسمي ځواب نه‌دی ترلاسه کړی او د خبرو اترو جزییات څارو».

لاریجاني زیاته کړه: «د توغندیو موضوع له خبرو اترو سره تړاو نه‌لري او دا د ایران د ملي امنیت برخه ده؛ نو په دغه مذاکراتو کې به پرې خبرې ونه شي». لاریجاني ویلي: «په ایران کې د اسراییل حضور هومره پراخ نه‌و، لکه څنګه چې ورته تبلیغ کېده».

د امریکا او ایران د خبرو لومړی پړاو په عمان کې ترسره شو. عباس عراقچي د لومړي پړاو له پای ته رسېدو وروسته وویل: «له امریکا سره خبرې اوږدې او سختې وې».

ایران د جېنوا خبرو اترو په درشل کې له ټرمپ سره د اقتصادي امتیازاتو ژمنه کوي

۲۷ سلواغه ۱۴۰۴ - ۱۶ فبروري ۲۰۲۶، ۰۳:۰۰ GMT

په جېنوا کې د تهران او واشنګټن ترمنځ د خبرو اترو د نوي پړاو په درشل کې یوه ایراني ډیپلوماټ ویلي، ایران غواړي له امریکا سره یوې داسې هوکړې ته ورسېږي چې دواړو هېوادونو ته به اقتصادي ګټې ورسوي.

د هغه په وینا؛ د انرژۍ، کانونو او الوتکو په برخو کې همکاري ښایي د یادې هوکړې په چوکاټ کې وڅېړل شي. ایران او امریکا د فبرورۍ میاشتې په پیل کې خپلې خبرې اترې بېرته پیل کړې؛ څو د تهران د اټومي پروګرام پر سر اختلافات حل کړي او د نوي پوځي کړکېچ مخه ونیسي.

دغه خبرې داسې مهال روانې دي، چې تر دې مخکې سیمې ته د امریکا د دویمې الوتکه وړونکې بېړۍ د استولو راپورونه خپاره شوي وو. د فارس خبري اژانس د راپور له مخې؛ د ایران د بهرنیو چارو وزارت د اقتصادي ډیپلوماسۍ مرستیال حمید قنبري ویلي: «د یوې هوکړې د پایښت لپاره اړینه ده، چې امریکا هم په هغو برخو کې چې لوړ او چټک اقتصادي عاید لري؛ ګټه ترلاسه کړي».

هغه زیاته کړه، چې د تېلو او ګازو په ډګرونو کې ګډې ګټې، د کانونو په برخه کې پانګونه او حتی له امریکا څخه د الوتکو پېرودل د اوسنیو خبرو اترو ځینې برخې دي. دغه ایراني چارواکي ټینګار وکړ، د ۲۰۱۵کال اټومي تړون چې د «برجام» په نوم هم یادېږي د امریکا اقتصادي ګټې نه‌وې تضمین کړې.

په ۲۰۱۸کال کې ډونالډ ټرمپ امریکا له برجام تړون څخه واېستله او پر تهران یې سخت اقتصادي بندیزونه ولګول. له بل پلوه رویټرز راپور ورکړی، چې د سټیو وېټکاف او جرډ کوشنر په ګډون یو امریکایي پلاوی به د سې‌شنبې په ورځ په جېنوا کې له ایراني چارواکو سره وګوري.

د امریکا د بهرنیو چارو وزیر مارکو روبیو له نورو جزییاتو ورکولو پرته وویل :«سټیو وېټکاف او جرډ کوشنر د مهمو غونډو لپاره روان دي او موږ به وګورو، چې پایله یې څه ده». په ورته وخت کې د ایران د بهرنیو چارو وزارت اعلان کړی، چې عباس عراقچي له تهران نه د جېنوا لپاره تللی؛ ترڅو له امریکا سره په خبرو اترو کې برخه واخلي.

اسراییل د لبنان- سوریې پر پوله بمبار کې لږ تر لږه ۴ کسان وژلي دي

۲۷ سلواغه ۱۴۰۴ - ۱۶ فبروري ۲۰۲۶، ۰۰:۲۰ GMT

د لبنان چارواکي وايي، اسراییلي ځواکونو د لبنان- سوریې پر ګډه پوله د لبنان په خاوره کې پر یوه موټر بمبار کړی، له امله یې لږ تر لږه ۴ کسان وژل شوي دي.

د لبنان د عامې روغتیا وزارت په اعلامیه کې راغلي، دغه موټر د دوشنبې ورځې په سهار وختي (د سلواغې ۲۷مه) په نښه شوی دی.

د اعلامیې له‌مخې، په وژل شویو کسانو کې یو یې د سوریې اوسېدونکی دی او خالد محمد نومېده، خو د درېیو نورو وژل شویو کسانو د هویت په تړاو لا تر اوسه څه‌ نه‌دي ویل شوي.

سوریې او اسراییل لا تر اوسه د دغه برید په تړاو څه نه‌دي ویلي.

برېتانیا د ماشومانو د خوندیتوب په موخه انټرنټ ته پر لاسرسي محدودیتونه لګوي

۲۷ سلواغه ۱۴۰۴ - ۱۶ فبروري ۲۰۲۶، ۰۰:۰۳ GMT

د برېتانیا لومړي وزیر کې‌یر سټارمر ویلي، چې له ډیجیټلي ګواښونو څخه د ماشومانو د ساتنې په موخه به د انټرنټي لاسرسي د تنظیم لپاره د لا زیاتو قانوني واکونو غوښتنه وکړي. نوموړي زیاته کړې، چې ټېکنالوژي په چټکۍ سره د بدلون په حال کې ده او قوانین هم باید له دغه سرعت سره ځان برابر کړي.

د برېتانیا لومړي وزیر کې‌یر سټارمر نن د یکشنبې په ورځ پر خپلې اېکس‌پاڼې لیکلي، چې د ټولنیزو رسنیو هېڅ انټرنټې پلیټ‌فارم باید په وړیا ډول اجازه ترلاسه نه‌کړي.

نوموړي زیاته کړې: «زموږ د ماشومانو د ساتنې په برخه کې باید د ټولنیزو رسنیو هېڅ پلیټ‌فارم وړیا اجازه ترلاسه نه‌کړي، له همدې امله زه اقدام کوم».

د سټارمر دفتر ویلي، چې په دې برخه کې د نویو واکونو د اخېستو هدف دا دی، څو حکومت وکولای شي چې د ټېکنالوژۍ له هر نوي بدلون سره سم په څو میاشتو کې اقدام وکړي.

پر همدغه مهال د برېتانیا حکومت پرېکړه کړې، چې مصنوعي ځیرکتیا دې د ځینو هغو کاریالونو مخه ونیسي، چې د خلکو له خوښې پرته جنسي انځورونه تولیدوي.

دا په داسې حال کې ده چې تېره میاشت د برېتانیا حکومت ویلي و، دوی به هم د ۱۶ کلونو کم عمره ماشومانو لپاره د اسټرالیا په څېر د یوه ماډل پر کارولو سلا مشورې وکړي.

اسټرالیا په خپل هېواد کې تر ۱۶ کلونو د کم عمره ماشومانو لپاره پر انټرنټ محدودیتونه لګولي او د هسپانیا، یونان او سلوانیا په ګډون ځینې نور هېوادونه هم د ورته اقدام پلان لري.

ذبیح‌الله مجاهد وایي که امریکا پر ایران برید وکړي دوی به له ایران سره همکاري وکړي

۲۶ سلواغه ۱۴۰۴ - ۱۵ فبروري ۲۰۲۶، ۲۳:۲۱ GMT

د امریکا او ایران تر منځ د نانندریو او پر ایران د بریدونو د احتمال په درشل کې د طالبانو ویاند ویلي، که امریکا پر ایران برید وکړي، نو دوی به د ایران له ملت سره همکاري وکړي. سره له دې چې د ایران او امریکا تر منځ په وقفه‌يي ډول خبرې روانې دي، خو لا هم یو بل ته ګوتڅنډه کوي.

د امریکا او ایران تر منځ په ناندریو کې د طالبانو ویاند ‌ذبیح‌الله مجاهد پر ایران د اسراییل او امریکا تېرو بریدونو ته په اشارې وايي، په هغه جګړه کې ایران ګټونګی وو او دا ځل هم که پرې برید وشي، نو ایران به برلاسی وي.

ذبیح‌الله مجاهد د یکشنبې په ورځ (د سلواغې ۲۶مه) له یوې رسنۍ سره په مرکه کې ویلي: «ها بل وارې چې د ایران پر اسلامي جمهوریت کوم برید وشو، پایله دا وه چې ایران ګټونکی وو او زه فکر کوم بیا به هم همداسې کېږي».

د مجاهد په باور، ایران په اوسني وخت کې وړتیاوې لري او دغه هېواد په «حقه» دی او له خپل ځان څخه د دفاع حق لري.

نوموړي د دې پوښتنې په ځواب کې چې که امریکا پر ایران برید وکړي، طالبان به کومه خوا نیسي ویلي: «که پر موږ هر غږ کېږي، افغانان دې ته چمتو دي چې د جګړې د ستونزو په برخه کې له ایراني ملت سره همدردي ولري او همکاري ولري».

د یادونې وړ ده، چې د ایران د ملي امنیت د عالي شورا منشي علي لاریجاني له الجزیرې سره په تازه مرکه کې ویلي، که امریکا له ایران سره له زور څخه کار واخلي، دوی به هم ورته غبرګون وښيي او د هر ډول تېري په صورت کې به د امریکا اډې په نښه کړي.

•

لېنډسي ګراهام: مېرڅ د ایراني رژیم پای ته رسېدو وړاندوینې لپاره په تاریخ کې ځانګړی ځای لري

طالبانو تایید کړه چې په ارزګان کې د یوه پخواني افسر قبر ړنګ او له جسد سره یې ناسم چلند شوی

په لندن کې د یوه جومات امام پر ښځو او نجونو د جنسي تېري په ۲۱ قضیو کې مجرم وپېژندل شو

طالبانو د هېواد په ۱۲ ولایتونو کې د سختو ورښتونو او سیلابونو د راوتلو خبرداری ورکړی

مجاهد: ببین تفاوت را از کجا تا به کجا! « خپل دفاع وزیر د نورو له دفاع وزیر سره پرتله کړئ»

سلام حنفي پر طالبانو غږ کړی چې له تکبر، غرور او هر ډول تعصب ځانونه وساتي

له امریکا سره د خبرو اترو دویم پړاو؛ ایرانی پلاوی جېنوا ته ورسېد

ایران د جېنوا خبرو اترو په درشل کې له ټرمپ سره د اقتصادي امتیازاتو ژمنه کوي

اسراییل د لبنان- سوریې پر پوله بمبار کې لږ تر لږه ۴ کسان وژلي دي

برېتانیا د ماشومانو د خوندیتوب په موخه انټرنټ ته پر لاسرسي محدودیتونه لګوي

ذبیح‌الله مجاهد وایي که امریکا پر ایران برید وکړي دوی به له ایران سره همکاري وکړي

ډېر لیدل شوي

طالبانو تایید کړه چې په ارزګان کې د یوه پخواني افسر قبر ړنګ او له جسد سره یې ناسم چلند شوی

په لندن کې د یوه جومات امام پر ښځو او نجونو د جنسي تېري په ۲۱ قضیو کې مجرم وپېژندل شو

طالبانو د هېواد په ۱۲ ولایتونو کې د سختو ورښتونو او سیلابونو د راوتلو خبرداری ورکړی

مجاهد: ببین تفاوت را از کجا تا به کجا! « خپل دفاع وزیر د نورو له دفاع وزیر سره پرتله کړئ»

سلام حنفي پر طالبانو غږ کړی چې له تکبر، غرور او هر ډول تعصب ځانونه وساتي

له امریکا سره د خبرو اترو دویم پړاو؛ ایرانی پلاوی جېنوا ته ورسېد

ایران د جېنوا خبرو اترو په درشل کې له ټرمپ سره د اقتصادي امتیازاتو ژمنه کوي

اسراییل د لبنان- سوریې پر پوله بمبار کې لږ تر لږه ۴ کسان وژلي دي

برېتانیا د ماشومانو د خوندیتوب په موخه انټرنټ ته پر لاسرسي محدودیتونه لګوي

ذبیح‌الله مجاهد وایي که امریکا پر ایران برید وکړي دوی به له ایران سره همکاري وکړي