د خیبر پښتونخوا په بنو کې د چاودنې له امله دوه کسه وژل شوي او ۱۵ نور ټپیان دي
د خیبر پښتونخوا د بنو ولسوالۍ مېرین پولیسو مرکز ته نږدې په یوې چاودنه کې دوه کسه وژل شوي او ۱۵ نور ټپیان دي. د راپورونو له مخې؛ چاودنه د دوشنبې په سهار (د سلواغې ۲۷مه) د پولیسو یوه مرکز ته نږدې شوې ده.
د پاکستانۍ رسنۍ خراسان ډایري په خپور شوي راپور کې راغلي، چې چاودېدونکي توکي په یوه موټرسایکل کې ځای پرځای شوي وو؛ خو لاتراوسه رسمي سرچینو د یادې پېښې په اړه څه نهدي ویلي او نه هم کومې ډلې د دغه چاودنې مسوولیت منلی.
