طالبان وایي په هرات او فراه کې یې نشه یي توکي او په تور یې ۵ تنه نیولي
د طالبانو د کورنیو چارو وزارت وایي چې په هرات او فراه ولایتونو کې یې یو اندازه نشه یي توکي او په تور یې پنځه کسان نیول شوي دي.
د طالبانو د کورنیو چارو وزارت وایي چې په هرات او فراه ولایتونو کې یې یو اندازه نشه یي توکي او په تور یې پنځه کسان نیول شوي دي.
په خپره شوې خبرپاڼه کې راغلي چې د هرات ولایت په چشت ولسوالۍ کې د نشه یي توکو پر وړاندې د مبارزې طالب پولیسو ۴زره ۱۶۰کیلوګرامه ومان کشف او سوځولې دي. دوی زیاته وي چې په تړاو یې درې کسان هم نیول شوي دي.
همدارنګه، په یوې بلې جلا خبرپاڼه کې طالبانو ویلي، چې د فراه ولایت په فراه رود ولسوالۍ کې یې دوه تنه د ۱۵کیلوګرامه شیشې (کریسټال میټ) د قاچاق په تور نیولي دي.
د یادو ولایتونو ځایي چارواکي ویلي، چې نیول شوي کسان به د څېړنو وروسته طالب عدلي او قضايي ارګانونو ته وسپارل شي.
