د ایران د بهرنیو چارو وزارت ویاند اسماعیل بقايي د یوې خبري ناستې پرمهال د کیوبا په وړاندې د امریکا اقتصادي بندیزونه او فشارونه غندلي او د دغه هېواد له خلکو او دولت یې ملاتړ څرګند کړی. نوموړي دغه بندیزونه د بشریت په وړاندې ښکاره «جرم» بللی.
اسماعیل بقايي د دوشنبې په ورځ (د سلواغې ۲۷مه) په یوې خبري ناسته کې پر کیوبا د امریکا ۴۶ کنلې اقتصادي کلابندۍ ته په اشارې ویلي، چې دغه اقدامات د کیوبا د خلکو بنسټيز بشري او مادي حقونه تر پښو لاندې کړي دي.
نوموړي زیاته کړې، چې د امریکا دغه بندیزونه د ملګرو ملتونو د منشور له اساسي اصولو او نړۍوالو حقونو ښکاره سرغړونه ده. بقايي غوښتنه کړې، چې امریکا باید له دغه اصولو د سرغړونې او د کیوبا د خلکو بشري حقونو ته د پراخ زیان امله ځواب ویونکې اوسي.
د دغه ستونزو له امله چې پر هاوانا د امریکا د فشارونو له ډېرېدو او د کیوبا د متحد پخواني ولسمشر نیکولاس مادورو په مشرۍ د ونزوېلا حکومت له نسکورېدو وورسته رامنځته شوې، کیوبا ته د ونزوېلا د نفتي موادو صادرات هم درول شوي دي.
